ዘ-ሐበሻ) አለመረጋጋት ሰፍኖበት በቆየውና ላለፉት 6 ወራት በፌደራል ፖሊሶች ጥብቅ ጥበቃ እየተደረገለት በሚገኘው የሃሮማያ ዩኒቨርሲቲ ውስጥ ከሚገኙት ህንፃዎች መካከል ደመራ እየተሰኘው የተማሪዎች መኝታን የያዘ ህንጻ በአሁኑ ሰዓት እየተቃጠለ መሆኑ ተሰማ::
ከስፍራው የሚወጡ መረጃዎች እንደሚጠቁሙት የ እሳት ቃጠሎው ከአንድ ሰዓት በላይ ካስቆጠረ በኋላ የ እሳት አደጋዎች ቢመጡም ጊቢውን ይጠብቁ የነበሩ ፖሊሶች ቶሎ ለ እሳት አደጋ ሪፖርት ያድርጉ አያድርጉ የተጠቀሰ ነገር የለም::
ይህ ዜና እስከተጠናከረበት ጊዜ ድረስ ተማሪዎች ከመኝታቸው እየተነሱ እየሸሹ ሲሆን ፖሊሶች ተኩስ መጀመራቸው ተሰምቷል::
የዚህ ህንጻ የቃጠሎ ምንጭ ያልተረጋገጠ ቢሆንም አንዳንድ ተማሪዎች ግን መንግስት ሰሞኑን በሃሮማያ ዩኒቨርሲቲ እየደረሰበት ያለውን ተቃውሞ ለማርገብ ሆን ብሎ ያዘጋጃቸው ተማሪዎች ያስነሱት ቃጠሎ ሊሆን ይችላል ይላሉ::
በሃሮማያ ዩኒቨርሲቲ ባለፉት 6 ወራት ውስጥ ቃጠሎ ሲነሳ ይሄ ለ3ኛ ጊዜ ነው ተብሏል::
No comments:
Post a Comment