ለውስብስብ ችግሮች ተዳርገናል ያሉ የግብርና ኢንቨስተሮች ምሬታቸውን ገለጹ

በግብርና ኢንቨስትመንት ዘርፍ ተንሰራፍቶ የቆየውን ችግር በቅጡ ለመረዳትና መፍትሔ ለመስጠት አዲሱ የግብርና ሚኒስትር ዶ/ር እያሱ አብረሃ፣ ኅዳር 16 ቀን 2009 ዓ.ም. በጠሩት ስብሰባ ባለሀብቶች ምሬታቸውን ገለጹ፡፡

በጠቅላይ ሚኒስትር ኃይለ ማርያም ደሳለኝ ካቢኔ ውስጥ ከተካተቱ አዳዲስ ሚኒስትሮች መካከል አንዱ የሆኑት ዶ/ር

…

በ11ኛው ዙር ዕጣ ከወጣባቸው ቤቶች ውስጥ የ7169 ቤቶች ዕድለኞች አለመቅረባቸው ተገለጸ

– በታኅሳስ የመጀመሪያ ሳምንት ዕጣ ይወጣባቸዋል

የአዲስ አበባ ከተማ አስተዳደር ሐምሌ 30 ቀን 2008 ዓ.ም. ዕጣ ካወጣባቸው ከ30,000 በላይ የጋራ መኖሪያ ቤቶች ውስጥ፣ ለ7,169 ቤቶች ዕጣ የወጣላቸው ግለሰቦች ሊቀርቡ አለመቻላቸውን የቤቶች አስተዳደር ኤጀንሲ አስታወቀ፡፡

ዕጣ የወጣባቸውን ቤቶች እስከ ኅዳር 19

ልማት ባንክ የብድር ፖሊሲውን በድጋሚ እንዲከልስ ታዘዘ

የኢትዮጵያ ልማት ባንክ ባለፈው ዓመት ያሻሻለውን የብድር ፖሊሲውን በድጋሚ በመከለስ፣ በአበባና በፍራፍሬ ዘርፍ የተሰማሩ የውጭ ባለሀብቶችን የተሻለ ብድር ተጠቃሚ እንዲያደርግ መታዘዙን ምንጮች ገለጹ፡፡

ትዕዛዙ የመጣው በጠቅላይ ሚኒስትሩ በሚመራው የኢትዮጵያ ኢንቨስትመንት ቦርድ መሆኑን የገለጹት ምንጮች፣ ባንኩ በአበባና በፍራፍሬ ምርት ዘርፍ የተሰማሩ

…

የብሔራዊ ባንክ ምክትል ገዥ የልማት ባንክ ፕሬዚዳንት ሆኑ

የኢትዮጵያ ብሔራዊ ባንክ ምክትል ገዥና የፋይናንስ ተቋማት ሱፐርቪዥን ዳይሬክተር በመሆን ሲያገለግሉ የቆዩት አቶ ጌታሁን ናና፣ የኢትዮጵያ ልማት ባንክ ፕሬዚዳንት ሆነው እንዲሠሩ የቀረበው ሹመት ፀደቀ፡፡

የኢትዮጵያ ፋይናንስ ድርጅቶች ተቆጣጣሪ ኤጀንሲ፣ ባለፈው ሳምንት መጨረሻ ላይ አቶ ጌታሁን የባንኩ ፕሬዚዳንት ሆነው እንዲሠሩ ሾሟል፡፡

የሎጂስቲክስ ኢንተርፕራይዝ ዋና ሥራ አስፈጻሚ ወደ ኦሮሚያ ክልል ተዛወሩ

የኢትዮጵያ ባህር ትራንስፖርትና ሎጂስቲክስ አገልግሎት ኢንተርፕራይዝ ዋና ሥራ አስፈጻሚ አቶ አህመድ ቱሳ፣ የኦሮሚያ ክልል ገቢዎች ባለሥልጣን ዋና ዳይሬክተር ሆነው ተሾሙ፡፡

በኦሮሚያ ክልል አዲሱ ፕሬዚዳንት አቶ ለማ መገርሳ ፊርማ ሰኞ ኅዳር 19 ቀን 2009 ዓ.ም. በወጣ ደብዳቤ፣ አቶ አህመድ ቱሳ ለአምስት

…

ጠቅላይ ሚኒስትሩ ሦስት ዘርፎችን በማደራጀት ሹመት ሰጡ

– አቶ ሱፊያን አህመድ – የማክሮ ኢኮኖሚ ዘርፍ አስተባባሪ

– ዶ/ር አርከበ ዕቁባይ – የኢንዲስትሪ ዘርፍ አስተባባሪ

– አቶ ሙክታር ከድር – የመልካም አስተዳደር ዘርፍ አስተባባሪ

ጠቅላይ ሚኒስትር ኃይለ ማርያም ደሳለኝ ጽሕፈት ቤታቸውን በማደራጀት አዳዲስ ሹመቶችን መስጠታቸውን የሪፖርተር ምንጮች ገለጹ

ወዳጄ አቶ ደምስ በለጠ ሰላምታዬ ይድረስህ። (ፈቃደ ሸዋቀና )

ወዳጄ አቶ ደምስ በለጠ ሰላምታዬ ይድረስህ። (ፈቃደ ሸዋቀና )

ወዳጄ አቶ ደምስ በለጠ ሰላምታዬ ይድረስህ። ፊስ ቡክ ላይ አስተያየት ስሰጥ አስተያየት ከሰጠሁበት ጉዳይ ጋር ተያይዞ ስምህን ጠቅሼ ፓል ቶክ ላይ ስትናገር ስምቼ ያነሳሁትን ነገር አስመልክቶ የሰጠኸውን ምላሽ አንብቤያለሁ። በመጀመሪያ ነገር ወዳጅነታችንንና አብረን ያሳለፍነውን ጊዜ አንስተህ የተናገርከው እውነት ነው። ዛሬ በኑሮ ምክኛት ተራራቅን እንጂ በጣም የቅርብ ሰዎች ነን። አሜሪካ ተሰደን የገባነውም አንድ ሰሞን እንደነበረ አሳታውሳለሁ። በጊዜው ውሏችንም እንድ ላይ እንደነበረ የተናገርከው እውነት ነው። እውነቱን ለመናገር እኔ ሀሳብ በሰጠሁበት ጉዳይ ላይ ያለህ አመለካከትና የያዝከው ፖለቲካ ላይ ያለኝ አሉታዊ አስተያየት እንደሰው ብቻ ሳይሆን እንደወዳጅ ከማይህ ሰው ጋር አይገናኝም። ክፉ ነገር እንዲያገኝህ ቀርቶ ሰው ክፉ እንዲመኝብህ አለመፈለግ ብቻ ሳይሆን አልፈቅድም። ስብዕናህና የምትከተለው ፖለቲካም ለኔ የተለያየ ነገር ነው። ፖለቲካህን መተቸትም መጥላትም ከሌላው ላንተ እንደወዳጅ ካለኝ አመለካከት ጋር የተለየ ነው። አለመታደል ሆኖ እኛ ፖለቲካ ውስጥ ይህንን መለየት እንችልም። ፖለቲካቸው አላግባባ ያላቸው ሰዎች ደም እንደተቃባ ባላንጣ ሲሆኑ ያሳዝነኛል። ከዚህ አይነት መንጋ ጋር እንዳትዳበል ምኞቴም ጸሎቴም ነው።
ወደ ዋናው ነገር ልመለስ። እንግዲህ አንተ ላይ ሳይሆን ስህተት ነው የምለው ሀሳብህ ላይ ልመጣ ነውና መቻል ሊኖርብህ ነው። በመጀመሪያ ለጽሁፍህ የስጠኸው “ካብ አይገባ ድንጋይ” የሚለው ርዕስ መሳይ ነገርና የምኒልክንና የጎበናን ተረት የጨመርከው ነገር ጥንቸል ወዲያ ምዝግዝግ ወዲህ ነው። እንደምታውቀው እኔ መንዝና ይፋት ነው ተወልጄ ያደኩት። ያማራን ወግ በማወቅም ሆነ የቋንቋውን አሰላለጥ ካንተ አዲስ አበባ አደኩ ከምትለው በተሻለ አውቀዋለሁ። በሽሙጥ መሳደብህ መሆኑ ገብቶኛል። ከጠቀመህ ልትጨምርበት ትችላለህ። የተቸሁትን የተሳሳተ አስተሳሰብህን ግን የከዘራ ያህል እንኳን ቀና አያደርገውም። በተለይ የሚኒልክና ጎበና ተረትህ የየጁ ደብተራ ቅኔው ቢያልቅበት ቀረርቶ ጨመረበት እንደሚባለው ነው። ያነሳሁትን ነገር ባግባቡ መመለስ አለመቻልን ለመሸፈን የተፈጠረ ዘዴ መሆኑ ገብቶኛል።
የፓልቶኩን ውይይት ባጋጣሚ ሰማሁ ያልኩት ውሸት ነው በማለት ውሸታም ልታስመስለኝ ያደረከው ሙከራም ፍሬ ከርስኪ ነው። በእለቱ አንድነት የጋበዘኝ መሆኑ ልክ ነው። የናንተን ውይይት እንድሰማ አልጋበዘኝም። ጠይቀው። ሁል ጊዜ እንደሚያደርገው ስልኬ ላይ ደውሎ ሀሳብ በስልክ እንድሰጥ ነው የሚጋብዘኝ። እደውላለሁ ብሎ ሳይደውልልኝ ስለዘገየ ምን እንደተፈጠረ ለማወቅ ብዬ ነው ፓልቶክ ክፍሉ ውስጥ የገባሁት። ይህን ፕላን ሳላደርግ ገብቼ መስማቴን ነው ባጋጣሚ ያልኩት። ይችችን ነገር ብትተዋት ላንተም አይጎዳህም። እኔ ፐርሰናሊቲ ላይ እንከን መፈለግ እንዳልኩህ ያንተን ጎባጣ አስተያየት አያቀናውም። ያንድ ግለሰብ ስም ጠርተህ ከሱ ጋር ፌስ ቡክ ላይ ስትነጋገሩ “የአማራው ትግል የምትሉት ወንዝ የማያሻግር ሀሳብ ነው ብለህ ነበር” ብለህ የጻፍከውም ከሰማይ ላይ ቧጠህ መሆን አለበት። እንዲህ አይነት ነገር አልተናገርኩም። ተመልሰህ ሄደህ እንበው። ደረቅ ዉሸት ነው። ጽሁፉን ብዙ ሰው ስላነበበው ይታዘቡሃል። ከግለሰቡ ጋር የተመላለስንበት ጉዳይም ይህ አልነበረም። እንድ የማውቀው ሰው በስም ተጠቅሶ ዘሩ ባባቱ ኤርትራዊ በናቱ ጎጃሜ ስለሆነ በክፉ እንድንጠረጥረው የሚያስገነዝብ ፖለቲካ እይቼ ነበረ አስተያየት የሰጠሁት እንጂ ስለ አማራ መደራጀት አለመደራጀት አልነበረም።እኔ በመርህ ደረጃ ባማራ መደራጀት ላይ ችግር የለብኝም። አላማው ራዕዩ ገቡና ስትራቴጂው ብቻ ነው ጥያቄዬና ጭንቀቴ።
እንዳነበብከው እኔ ካንተም ሆነ እንተ ትንታግ ኣማራ ከምትላቸው ሰዎች ጋር ያላስማማኝ ግፋ በለው የምትሉትን ጎንደር ውስጥ የሚጋደለውን የገበሬ ተዋጊ ሀይል ማፈግፈጊያም ሆነ ስንቅና ትጥቅ ማቀበያ ሊጠቅመው ከሚችል የኤርትራ መንግስት ላይ ማቅራራት ማብዛታችሁ ስትራቴጂክ ሂሳብ ማድረግ የተሳናችሁ መሆኑን መተቼቴ ነው። ይህን ትችት ሳቀርብ ተሳስቼ ከሆነና ተገቢ ምላሽ ካገኘሁ ሀሳቤን ለመለወጥ ክፍት ህሊና ይዤ ነው። ሁለትና ሶስት ወር የማይዘልቅ ትጥቅና ስንቅ የያዘን ተዋጊ ካለው በቂ ጠላት ሌላ ለምን ትጨምሩለታላችሁ ነው ያልኩት። እንዲሁም ኤርትራ ሆነው ሚታገሉት ወገኖቹ ላይ የምታካሂዱት አድፋፊ ፖለቲካ ከጉራና ከደመነፍሳዊ አርበኝነት የበለጠ ስትራቴጂያዊ ስሌትና ማውጠንጠን የሌለበት ግልብና የገልቱ ስራ ሆኖ ማግኘቴን ነው የተናገርኩት። እሁን ደግሞ መልስ ስትሰጠኝ የትግል ስልት ሞዴልህ የጣሊያን ጊዜው የነአበበ አረጋይ መሆኑን ነግረህናል። ይህ መቼም ለወገን ትንሽ መጨነቅ የማይታይበት አሌሜንታሪ ስሌት የሌለበት ጉራ ከመሆን የማይዘል የህጻን ጨዋታ የሚተካከል ነገር ነው። ለነገሩ በጣሊያን ጊዜም ቢሆን መሳሪያ ለማስገባት አባቶቻችን ሱዳንን የመሰለ ጎረቤት ሀገር ተጠቅመዋል። ጃንሆይም ካገር የወጡት በጂቡቲ በኩል ነበር። ይህ ፈጽሞ የማይረባ ስትራቴጂክ አስተሳሰብ መሆኑን ለማውቀ ወታደራዊ ሳይንስ እውቀት አይጠይቅም። ከጣሊያኖች ጋር የተደረገው ትግል ባይነቱም በይዘቱም ዛሬ ከብዙ አሰርት አመታት በሁዋላ ከተለወጠው አለምና ከምንዋጋው መንግስት ጋር የሰማይና የመሬት ያህል ልዩነት አለው። አማራ ሲተርት ቀን አስኪያልፍ ያባትህ ባሪያ ይግዛህ ይላል። ምን ቸገራችሁ ቀን እስኪያልፍ አጎንብሶ እየሄደም ለአለማው የሚጠቅመውን ነገር ቢያደርግ? ለመሆኑ ባፍ ሲወራ የምሰማው ርዳትችሁ በየት አርጎ ነው የሚደርሰው? እሁን ይህን መገንዘብ ወታደራዊ ሳይንስ መማር የሚጠይቅ ነገር ነው? የኔ አገር ሰው እንዲህ አይነቱን በባዶ ቤት የሚካሄድ መመጻደቅና ጉራ ቂጥ ገልቦ ክንብንብ ይለዋል።
አሳቀኝ ያልኩህን ኢሳያስ አማርኛ የማይናገረው አማራ ስለሚጠላ ነው የሚለውን መላ ምትህን ትክክለኝነት መመከትም አልቻልክም። የጠንቁዋይ ፖለቲካ የሚለው ቃል የኔው ቃል ነው። ትንሽ መላ ምትን እንደ እውነት የሚያወሩ ሰዎችን የምገልጽበት ቃል ነው። እኔ ለምሳሌ ከኢትዮጵያ ጋር የለውን የእንድ ሀገርነት ስሜት ለማስወገድ ሲል የሚያደርገው ይመስለኛል። ወይም ብዙ ኤትዮጵያዊ ደም ስላለው ከዚያ ጋር እንዳይያዝበት አስቦ ይሆናል ማለት እችላለሁ። አንተ እንደውነት የወሰድከውን መላ ምት የሚወዳደሩ መላ ምቶች ላሳይህ ብዬ ነው ይህን የምጠቅስልህ። ለወደፊቱም ከደመነፍስህ ይልቅ እመክኖአዊነት ላይ ብትበረታ ጥሩ ነው። ከተሳሳተ መደምደሚያ ላይ የተነሳ ሰው ትንታኔው ሁሉ ከንቱና ስህተት ከመሆን አያልፍም።
“አስተማሪ ነህ እንጂ ወታደራዊ ሳይንስ አታውቅም” የምትለው ክርክርህ ውሀ አታነሳም። የክርክራችን ጉዳይ ወታደራዊ ሳይንስ አይደለም common sense ነው። ትጥቅና ስንቅ ሰራዊት እንደሚያስፈልገው ለማወቅ ወታደራዊ ሳይንስ መማር አለብህ እያልከኝ ነው። ውሽልሽል ክርከር ነው። እጅም እግርም የለውም። በነገራችን ላይ ብዙ ነገር አነባለሁ። አዋቂዎች እጠይቃለሁ። በማላውቀው ነገር ላይ በድፍረትና በደመነፍስ ዘው የምል ሰው አይደለሁም። ወይም የተማርኩትን ሞያ አንተ እዚያ ፓልቶክ ላይ ስትናገር እንደሰማሁት ሚስጥረ ስላሴ ማስመሰል አልፈልግም። እዚያው ፓል ቶክ ላይ በጆርናሊዝም ከራሺያ የማስተርስ ዲግሪ ስላለኝ ብዙ ኤርትራ ውስጥ ያሉ ነገሮችን የማወቂያ መንገድ አለኝ እያልክ ስትናገር ሰምቼ የልታዘብኩህ መስሎሀል። በነገራችን ላይ ኤርትራ በአካል ብዙ ጊዜ መመላስለስክን ካልሄድነው ሰዎች የተሻለ መረጃ እንዳለህ ለማስመሰል የሞከርከው ብዙ አያስኬድም። በዚህ የኢንፎርሜሽን ዘመን መረጃ ለማግኘት ቦታው ድረስ በአካል መሄድ የለብህም። ብታምንም ባታምንም ስለዚያ አካባቢ ካንተ የተሻለ ወቅታዊም ታሪካዊም መረጃ አለኝ። እንዳንተ ደጋግመው ኤርትራ የሚመላለሱ ነገር ግን ካንተ በጅጉ የተለየ መረጃ የነገሩኝ ሰዎችም አሉ። ያንተ ልክ ሆኖ የነሱ ስህተት የሚሆንበት ምክኛት የለም። እዚህ ለማውራት ተራ ወሬ ይሆናል እንጂ እንተንም አብሮህ ይጉዋዝ የነበረውን ጉዋደኛህን ሰለሞን ተካልኝንም አስመረረን ስለምትሉት ነገር የሚወራውን ሰምቻለሁ።
በመጨረሻም ይህቺን ወንድማዊ ማሳሰቢያ ላጋራህና ላብቃ። እውነቱን ለመናገር ይህ ያማራ ብሄርተኛ ነን ማለትን እንደፋሽን የተያያዙት ሁሉ ፖለቲካቸውን ባግባቡ ካልያዙ ላማራ ህዝብ አደገኛና አጥፊ ( liability) ሲሆን ይታየኛል። የፖለቲካ ትግል ወታደራዊም ቢሆን ከግማሽ የማይተናነሰው ስራው የማሰብ ስራ ነው። ብሄርትተኝነት አደገኛ ነገር መሆኑን ከታሪክ ንባብ ትረዳለሁ ብዬ ተስፋ አደርጋለሁ። ናዚዝምም የጎሳ ብሔርተኝነት ነው። ትግሬ ሁሉ ካማራ መሬት ተጠርርጎ መውጣት አለበት የሚሉ ያማራ ብሄርተኛ ነን ባዮች እዚህ ፌስ ቡክ ላይ አያለሁ። ይህ ያማራ ህዝብ ፍላጎትም ጥያቄም አይደለም። የናዚዎቹና የሩዋንዳዎቹ ሁቱዎች ጋር የሚቀራረብ ሀሳብ ነው። ኦሮሞ ህዝብና ትግሉ ላይ አፋቸውን የሚከፍቱ ያማራ ተቆርቁዋሪ ነን ባዮችም ልጉዋም ያስፈልጋቸዋል። እንዳንዶቹ ለምሳሌ የኦሮሞዎችን እንቅስቃሴና መሪዎቻቸውን ሁሉ በጅምላ ያጥላላሉ። ክ 3 ሚሊዮን የሚበልጥ ያማራ ህዝብ በኦሮሞ ክልል ውስጥ እንደሚኖር የሚያውቁም አይመስሉም። እነዚህ ሚሊዮኖች አማሮች ከኦሮሞ ህዝብ ጋር በሰላም ይኖራሉ። ኦሮሞዎች ላይ ባማራ ስም የሚደረገው አፍ ከፈታ በስላም ተስማምተው በሚኖሩት እማሮች ላይ አደጋ መጋበዝ መሆኑ የማይገባቸው ሰዎች አይቻልሁ። እነዚህን ሀይ በሉውቸው። እኔ በኢትዮጵያ ምድር እንዲህ አይነት አማራ አይቼ አላውቅም። ያማራ ህዝብ ትልቅና አስተዋይ የሆነ ህዝብ ነው። የሰከኑ እሴቶች አሉት። ያማራን ህዝብ መብት ለዘላቂው ማስከበር የሚቻለው ከሌሎች ብሔረሰቦች በተለይ ከኦሮሞ ሕዝብ ጋር ድልድይ በማበጀት መሆኑ ሊገባችሁ ይገባል። ከዚህ በተጨማሪ እንታገለዋለን የምትሉትን መንግስት ትታችሁ ከሱ ጋር የሚታገሉ ሀይሎች ጋር የያዛችሁት የአግድሞሽ ትግል ቢቆም ጥሩ ነው። ለምሳሌ ኢሳትና አርበኞች ግንቦት 7 ላይ የምታካሂዱትን ዘመቻ ብታቆሙት ጥሩ ነው። የምትጎዱት ባይኖርም እንታገለዋለን ለምትሉት መንግስት የፕሮፓጋንዳ ድጋፍ እየሰጣችሁ መሆኑ ሊገባችሁ ይገባል።
በመጨረሻም ባማራ ስም የምታካሂዱትን መስመር የለቀቀ ስራ “NOT IN MY NAME” የምንል ብዙ አማሮች መኖራችንንም እያሰባችሁ።

የአማራ ህዝብ የተጋረጡበት አደጋዎች ባለ ፈርጀ ብዙ ናቸው ። ከነዚህም ውስጥ ጥቂቶቹ – ኄኖክ የሺጥላ

የአማራ ህዝብ የተጋረጡበት አደጋዎች ባለ ፈርጀ ብዙ ናቸው ። ከነዚህም ውስጥ ጥቂቶቹ

1) የአማራ ህዝብን በአንድነት ለማደራጀት እና በህብረት እንዲቆም እየተደረገ ላለው ጥረት ከዚህ በፊት አማራ አይደለንም ሲሉ ያልተሰሙትን የአማራ ህዝብ ክፋይ የሆኑትን አካሎች ፥ እንደ አገው እና ቅማንት ያሉ ማህበረሰቦችን ( ህዝብ ባልወከላቸው ተወካዮቻቸው አማካኝነት ) አማራ አይደለንም የሚል ወያኔያዊ አጀንዳ እንዲያነሱ በማድረግ እና የአማራ ህዝብ ህብረት የነርሱ ህልውና ላይ አደጋ ሊጥል የሚችል ጠንቅ እንደሆነ በመስበክ አማራውን እንደ ቁጠባ ቤት በተርታ በመከፋፈል በአንድነት እንዳይቆም የማድረግ ስራ እና ሴራ

2) አማራን በአረንጓዴ ፥ ቢጫ እና ቀይ ሰንደቅ አላማችን እያታለሉ ፥ አማራ የሚያምርበት ኢትዮጵያዊነት ነው በማለት ፥ በኢትዮጵያዊነቱ የማይታማውን የአማራ ህዝብ ፥ ለተራ የፖለቲካ ጥቅም ሲባል ብቻ ፥ የአማራ ህዝብ ስቃይ በገሃድ እየታየ « ኢትዮጵያዊነትህን እንዳትለቅ ብቻ ሳይሆን ፥ ኢትዮጵያዊነትህን ይዘህ ጥፋ» በሚል ሰበካ የአማራን ህዝብ ተክለ ሰውነት ማቀጨጭ እና ጥሪቱን መሞለጭ!

3) በኖርንበት እና ባየነው ፥ ምስክርም በምንሆንበት 25 አመት የወየኔ ዘመናት ፥ አንድም ኢትዮጵያዊ ( ከአማራ በስተቀር ) ከየትኛውም ክልል ሳይባረር ፥ አመራ ግን በዘሩ ሲባረር ፥ ስለዘሩ ሲሳደድ እና በዘሩ ምክንያት ሲገደል እያየነው ፥ ይህንን ህዝብ ለመታደግ የሚደረገውን ርብርብ በዘረኝነት በመፈረጅ ፥ ታሪክን ተገን አድርጎ ፥ የዛሬይቱን ኢትዮጵያ በማይወክል መልኩ አማራ ራሱን ጨፍልቆ ፥ ከሱ በቁጥርም ይሁን በእውቀት እጅግ ባነሱ አካሎች ተወክሎ ፥ ከስራቸው እንዲንደፋደፍ ፥ ስለት እና ምልጃ እንዲያቀርብ ፥ ራሱን ክዶ ፥ በራሱ በአማራ አጋፋሪዎች በተደረገ የኤሌሎች በአለ ሲመት ላይ አክሊል አቅራቢ ፥ ምንጣፍ አንጣፊ ፥ የዙፋን እግር ወልዋይ እና ሰረገላ ገፊ እንዲሆን እየቴሰረ መሆኑ

4) የአማራ ህዝብ ከብቱን ሽጦ ፥ ደሙን ገብሮ ፥ ልጆቹን ሰውቶ የሚያደርገውን ትግል በጠራራ ፀሃይ ፥ ባልተወከሉ ታጋዮች ትግሉን ተቀምቶ ፥ ለሞቱ ስም ተሰጥቶት ፥ ለትግሉ የሃሰት ዜና ተሰርቶለት ፥ ባልዋለበት ውሎ እና ላልቆመለት አካል ቆሞ ፥ የክብር ሞቱ መነገጃ እና መወስለቻ ሆኖ እያየም ፥ ስድብ እና ክብረ ነክ የሆኑ ትችቶችን ፈርቶ ፥ ከጥቂቶች እውነት ይልቅ ለብዙሃን ነውር ገብሮ ፥ እውነቱን እያወቀ ፥ የሆነውን እያየ ፥ ሞቱን አማራ ለነፃነቱ ሲል ያደረገው እንደሆነ ያልመሰከረ እና ያልተናገረ አማራ ባለበት ዘመን መፈጠራችን እና መኖራችን

5) ከትግሉ ባሻገር ትግሁ አማራ ማንነቱን ጥያቄ አድርጎ ሲነሳ ፥ ወልቃይት አማራ እንጂ ትግሬ አይደለም በሚል የፋኖ መለከት የተቀጣጠለው ትግል ፥ በውጭ ሃገር አርባ ስም ተሰጥቶት ፥ የትግሉ አብሪ ጥይት አማራነት እንደሆነ እየታወቀ ፥ የጎጃም ገበሬ ለጎንደሩ ገበሬ መገደል ባህር ዳር ላይ ሲሞት የሞተው ጎጃሙን እና ጎንደሩን አንድ ያደረጋቸው አማራ መሆናቸው ፥ ባንድነትም ያቆማቸው ይኸው አማራነታቸው እንደሆነ ለሳር ለቅጠሉ ሳይቀር ግልፅ በሆነበት ሰዓት ፥ ይህ የአማራ ትግል ሰላም የነሳቸው ፥ ሲቻል የአማራ ህብረትን ኒዩክሊየር ቦምቦ አስመስሎ በመሳል ሳይቻል ደሞ አማራን በምክንያት በመሰነጣጠቅ ፥ ጎንደር ህብረት ፥ ጎጃም ህብረት ፥ ወሎ ህብረት ፥ ሸዋ ጅብረት እያሉ ሃይሉን ለመበታተን ፥ ገባሪነቱን ዘመን ተሽጋሪ ለማድረግ ፥ ሃይሉን ለመፈረካከስ ፥ የህብረት ክሩን ለመበጠስ ፥ የአንድነት ዋልታውን ለመከስከስ እየሄዱበት ያለው መንገድ በራሱ በአማራው ተወላጅ ሳይቀር በከፊልም ቢሆን ተቀባይነት ማግኘቱ ይመስለኛል ።

ጥያቄ አለኝ ፥ የጎንደርን አማራ በጎንደር ህብረት ፥ የጎጃሙን በጎጃም ፥ የወሎውን በወሎ ፥ የሸዋውን በሸዋ ጠቅልለን ፥ ሰብረን እና ሰንጥቀን ከጨረስን ወዲያ ፥ በሃረርጌ የሚኖሩን የወሎ አማሮችን የሃገረርጌ ወሎዬውች ፥ በጅማ የሚኖሩ የጎንደር አማሮችን የጅማ ጎንደሮች ፥ የ ወለጋ ጎጃሞች ፥ የአዲስ አበባ ሸዋዎች ብለን ሌላ የአማራ ህብረት ልንፈጥር ነው ?

አማራ እንዲበረታ አማራ በህብረት ይቁም! የአማራ ድል በአማራ ህብረት ብቻ የሚገኝ ነው! የብሄር ፖለቲካ የነገሮች ሁሉ መለኪያ በሆነበት ዘመን ፥አማራ አይደራጅ ማለት አማራን በጀርባው በኩል እንደ ማረድ ነው !

አማራ ንቃ!

ኄኖክ የሺጥላ

የደፈረሰው ፖለቲካችን የወያኔና የተቃዋሚዎች ስርስር የግብጽና ኤርትራ የኮማንድ ፖስት ምስረታ እቅድ በጆሮ የሰማናቸው ናቸው::

ተልባ በጥባጯ እያለች ጎበን በጣሿ ምች የተመታችበት የኢትዮጵያ ፖለቲካ ኣሁንም ምኑንም ሳይመልስ ምናምኑን እንዳግበሰበሰ ቀጥሏል። ታጋይ አንዳርጋቸው ጽጌ እንዲፈቱም ግፊቱ ቀጥሏል።የሚገርመው እያሰረ እየገደለ እያፈነ እያሳደደ ያለው አካል ከተቃዋሚ ፓርቲዎች ጋር ስለ ሰብዓዊ መብት ለመነጋገር ሶስት ቀን ስብሰባ የሚቀመጥበት ግርግር ምን ያህል በሕዝብ ላይ እየተቀለደ እንዳለ እያየን ሲሆን ኮማንድ ፖስቱ እየሰራ ያለው ግፍ እና በሕዝብ ላይ እያደረሰ ያለውን አደጋ ለመደገፍ ካልሆነ በቀር በፍጹ ስለ ሰብዓዊ መብት የሚቆረቆር ይገኛል ማለት ሞኝነት የተቃዋሚ ፓርቲዎችም ስልጣን ኣካፍሉን ለማለት ካልሆነ በቀ ስብሰባው ከጭብጨባ የሚዘር ፋይዳ ኣይሰራም ወያኔ ተቃዋሚዎችን ተርታ የምጸበስበው አንድም ለማዘናጋት ኣሊያም አዲስ የፖለቲካ ፍጆታና ሴራ ከማለም የዘለለ ስራ የለውም። የሚገርመው ግብጽና ኤርትራ በካይሮ አሸባሪነትን የሚቆጣጠር በቀይ ባህርና ለምስራቅ ኣፍሪካ የሚያገለግል ኮማንድ ፖስት ሊመሰርቱ ነው።ይህ ኮማንድ ፖስታችው እኮ ስንቱን አስቀና ሆሆሆ…ወያኔ ጠላቶቼ የሚላቸው ሁለት ሃገራት እንኳን እንዲህ ብለው ይቅርና እንዲሁም በነጻ ወንጀል ለማሸከም ኣይቦዝንም ቢሆንም ከጀርባ ያለውንም የፖለቲካ መነባነብ ሰከን ብሎ ማዳመጥ ይበጃል ወዳጆቼ። በአንድ ጉዳይ የፈዘዘ ደንዝዞ ይቀራል። ነቃ እንበል !! እንብሰል !! አንዘናጋ !! ይህን ስል ደግሞ ወዲ ሳልሳዊ ሻእቢያና ወያኔ የተጠና ፖለቲካ ያሴራሉ ብሏል ብለህ መርዝ ምላስህን ዘርጋው አሉ:: #ምንሊክሳልሳዊ

አንተ ሄኖክ ወያኔዊ ስራዎች ይታይብሃል ።

ጓደኛህ አብሮህ ወደበረሃ የወረደው ሲገደል አንተ እንዴት አመለጥክ ?? እንኳን ይችን ብዙ ነገር እናውቃለን የአንደኛው ጓደኛህ ፎቶ ግራፉ ከእጃችን አለ፡፡ ቤተሰቦቹ ሀዘናቸውን እም ብለው አልቅሰው ሳይወጣላቸው እንደቀረ እናውቃለን ወስላታ ከአዲስ አበባ ካንተ ጋር ወጥተው እነሱን አስበልተህ አንተ ተመለስክ ገዳያቸው የትግሬ ነፃ ሳለ ሻዕቢያ እያልክ አፍክን ትከፍታለህ በዚህ ልጅ ምክንያት አንተም ወያኔዊ ስራዎች ይታይብሃል  ። አማራ አማራ እያልክ ወያኔን የስላም እንቅልፍ እንዲተኝ እየስራክ እንደሆነ ብዝዋች ተርድተዋል ወደ  አይምሮ ተመለስ ለነጻነት ብለው በሚሞቶ  ላይ አትቀልድ  

ወታደሮች በየዩኒቨርስቲዎቹ ካምፕ እያቋቋሙ ነው

ወታደሮች በየዩኒቨርስቲዎቹ ካምፕ እያቋቋሙ ነው
የተማሪዎችን ተቃውሞ አፍኖ ለመያዝ እንዲያስችል በሚል በርካታ ወታደሮች በየዩኒቭርሲቲዎቹ ግቢ ውስጥ እንዲሰፍሩ ተደርጓል፡፡ ይህ ድርጊት በዩኔስኮ የተደነገገውን የከፍተኛ ትምህርት ነፃነት የሚገፍ በመሆኑ ሊወገዝና ሊጋለጥ ይገባዋል ተብሏል፡፡

ምንም እንኳ ወያኔ የጦር ሜዳ ትጥቅ የታጠቁ ወታደሮችን በየዩኒቭርሲቲ ጊቢዎች ውስጥ ቢያሰማራም በዚህ ባሳለፍነው ሳምንት በአምቦ፣ በወለጋ፣ በነጆ፣ በጂማ ዩኒቭርሲቲዎች “የታሰሩት ይፈቱ” በሚል መሪ ቃል እንቅስቃሴ እየተደረገ መሆኑን ከደረሱን መረጃዎች መገንዘብ ተችሏል፡፡

በርካታ ተማሪዎች በአሰቃቂ ሁኔታ ተደብድበዋል፣ እየታፈኑ ወደ አልታወቁ እስር በቶች ተወስደዋል፡፡ ከምሽቱ ሁለት ሰዓት በኋላ ከቤተ መጸሀፍቶችና ከጥናት ክፍሎች ውጪ ሲንቀሳቀሱ የሚገኙ ተማሪዎች እየተደበደቡ መሆናቸውን ተማሪዎች በምሬት ሲገልጹ ተሰምተዋል።

በወያኔና በቻይና መካከል ጠብቅ ያለ ለወታደራዊ ስምምነት ተደረሰ

በወያኔና በቻይና መካከል ጠብቅ ያለ ለወታደራዊ ስምምነት ተደረሰ

የወያኔና የቻይና ጋብቻ ወደ ወታደራዊ ስምምነት መድረሱ ታወቀ፡፡ በተደጋጋሚ ከቻይናና ከወያኔ የሚሰሙት ቻይና በፖለቲካ ጉዳይ ጣልቃ እንደማትገባ ቢሆንም በተለያዩ አጋጣሚዎች በተጨባጭ እየታየ ያለው ግን ቻይና ወያኔን በአምባገነኑ የቻይና ኮሚኒስት ፓርቲ አምሳል እየቀረጸችው እንደሆነ ነው፡፡

ቻይና በአጭር ሞገድ የሚተላለፉ እንደ ፍኖተ-ዴሞክራሲንና መሰል ሬድዮኖችን በማፈን በቀጥታ ስትስታፍ፣ በማፈን ምህንድስና ትምህርት የወያኔን ደህንነቶች አሰልጥናለች፡፡ ቻይና የኢንተርኔት ሰበራንና የተንቀሳቃሽ ስልኮችን ጠለፋ በማካሄድ በሶሻል ሚዲያ ሕዝቡ የሚቀባበለውን መረጃ እንዳያገኝ እያደረገችም ነው፡፡

በቅርቡ ከወጡ ይፋ መግለጫዎችም ሆነ ከመከላከያ አካባቢ ሾልኮ ከወጣው መረጃ ለማወቅ እንደተቻለው ቻይናና ወያኔ በተለያዩ ወታደራዊ መስኮች ጥብቅ ትብብር ለማድረግ ስምምነት ላይ ደርሰዋል። በስምምነቱ መሰረት ቻይና በቅርብ ጊዜ ውስጥ በኦጋዴን ውስጥ መገኘቱ ከተነገረለት ጋዝ ጋር በማያያዝ በጅቡቲና በድሬደዋ መሀል አንድ የጦር ሰፈር ትመሰርታለች ተብሏል ፡፡ ይህ ሁኔታ በተደጋጋሚ እየተገለጸ ያለውን የቻይናን የእጅ አዙር ቅኝ አገዛዝ እውን ያደርገዋል የሚሉ በርካቶች መሆናቸውን ተገንዝበናል፡፡ Finote Democracy

በአየር ንብረትና በአካባቢ ብክለት የሚታወቀው ወያኔ በሞሮኮው ስብሰባ የአፍሪካ ወኪል ሆኖ መቅረቡ ብዙዎችን አስገርሟል

በአየር ንብረትና በአካባቢ ብክለት የሚታወቀው ወያኔ በሞሮኮው ስብሰባ የአፍሪካ ወኪል ሆኖ መቅረቡ ብዙዎችን አስገርሟል
ባለፈው ሰሞን በአየር ንብረት ለውጥ በሞሮኮ ማራካሽ ከተማ ላይ ዓለም አቀፍ ጉባኤ መካሄዱ ይታወቃል፡፡ ወያኔም በዚህ ስብሰባ ላይ ከእራሱም አልፎ የሌሎች አፍሪካ ሀገራትም ወኪል ሆኖ መቅረቡን ሲለፍፍ ከርሟል፡፡ በአየር ንብረት ብክለት ወንጀለኛ የሆነው የወያኔ አገዛዝ በዚህም ስብሰባ መገኘቱም ሆነ ሌሎችን መወከሉ ብዙዎችን አስገርሟል። በዚህ በወያኔ 26 ዓመት የግፍ ዘመን ደኖች ተጨፍጭፈዋል፣ የዱር አራዊቶች እየተሰደዱ ወደ ጎረቤት ሀገራት እንዲገቡ ተደርገዋል፡፡

የጋምቤላ ድንግል መሬትን ለህንድ፣ ለአረብ፣ ለቻይና፣ ለወያኔ ኮሎኔሎችና ጀነራሎች በመለገሱ የጋምቤላ የተፈጥሮ ደን ተጨፍጭፎ በምንጮች ብዛት የሚታወቀው መሬት ምድረ-በዳ ሆኗል፡፡ በአየር ብክለት የሚታወቁ ፋብሪካዎች ከቻይና እየተነቀሉ ኢትዮጵያ ውስጥ እንዲተከሉ በመደረጉ ኢትዮጵያ በአጭር ጊዜ በመርዛም አየር ብክለት በዓለም የመጀመሪያ ደረጃን ልትይዝ እንደምትችል ብዙዎች ይገምታሉ፡፡

አብዛኛዎቹ ወንዞች ከፋብሪካዎች በሚወጡ ዝቃጮች ተበክለዋል፡፡ በአዲስ አበባ ቀደም ብሎ አሳ ይጠመድባቸው የነበሩት እንደ ቀበና፣ አቃቂና የመሳሰሉ ወንዞች በአሁኑ ወቅት በከፍተኛ ደረጃ የተበከሉ ከመሆናቸው ሌላ እንኳን የአሳ ምንጭ ሊሆኑ በከተማዋ ተስፋፍቶ ለሚገኘው በሽታ ምንጭ መሆናቸውን ብዙዎች በምሬት ይናገራሉ።ተማሪዎች በክፍል ውስጥ እየተማሩ በጠኔና በተበከለ አየር እየተልፈሰፈሱ እንደሚወድቁ በተለያዩ ጊዜያት መዘገቡ የሚታወስ ነው፡፡ Finote Democracy

የኤች አይቪ ህሙማን ቁጥር እየጨመረ ነው ተባለ – ቁንጮ የወያኔ ባለስልጣኖች በበሽታው የተለከፉ መሆናቸውን ውስጥ አዋቂዎች ይገልጻሉ።

የኤች አይቪ ህሙማን ቁጥር እየጨመረ ነው ተባለ

የኤች አይ ቪ ህሙማን ቁጥር መቀነሱ በተነገረ ማግስት ባስደንጋጭ ሁኔታ እየጨመረ መሄዱ ይፋ ሆነ፡፡ የሀሰት መረጃ በመደርደር የኤች አይ ቪ ህሙማን ቁጥር መቀነሱን ባለፈው አመት መገለጹ የሚታወስ ሲሆን ይሀንን የሀሰት መግለጫ በርካታ በህመሙ ዙሪያ እውቀቱ ያላቸው ወገኖች በሽታው ባስደንጋጭ ሁኔታ ወጣቶችን እያጠቃ መሆኑን በየአጋጣሚዎቹ ማሳወቃቸው አይረሳም፡፡

ይህ ህመም በአሁኑ ሰዓት የዩኒቭርሲቲና የ2ኛ ደረጃ ተማሪዎችን እያጠቃ መሆኑን በጉዳዩ ላይ ሰፊ ጥናት ያካሄዱ ባለሙያዎች ያስረዳሉ፡፡ በዝሙት ሥራ ላይ ከተሰማሩ ሴቶች ውስጥ ከአራቱ ሦስቱ የበሽታው ተጠቂዎች መሆናቸው የተደረገው ጥናት ቢያረጋግጥም በወያኔ መመሪያ ከአራት ሴቶች አንዷ ብቻ በበሽታው ተጠቂ እንደሆነች ይጠቁማል፡፡ በፖለቲካ ቆሻሻ የበከተው ወያኔ ፊቱን በርሜል ሙሉ ቫዝሊን ቢቀባም እንደማይወዛ የሚገልጹ ወገኖች አገዛዙ በስልት ወጣቱን በአደንዛዥ እጽ ሱሰኝነት፣ በአልኮል ጠጪነት፣ በዝሙት እንዲልከሰከስና በራስ መተማመን እንዳይኖረው ጥረት እያደረገ ነው ይላሉ። ቁንጮ የወያኔ ባለስልጣኖች ስብሀት ነጋንና ሳሞራን ጨምሮ በበሽታው የተለከፉ መሆናቸውን ውስጥ አዋቂዎች ይገልጻሉ። 

የትግል ጥሪ! የጎንደር እና ጎጃም ህዝብ ለመላው ኢትዮጵያዊ ያቀረበው አጭር የትግል ጥሪ!

የትግል ጥሪ!

የጎንደር እና ጎጃም ህዝብ ለመላው ኢትዮጵያዊ ያቀረበው አጭር የትግል ጥሪ!

“የጎንደር እና የጎጃም ህዝብ ከወያኔ ጋር ጉሮሮ ለጉረሮ ተናንቆ እየተፋለመ ይገኛል። መላው የኢትዮጵያ ህዝብ ይህንን ታሪካዊ ትግል ከጎናችን ተሰልፎ በመፋለም ኢትዮጵያዊ ክብራችንን መልሰን እንጎናፀፉ ዘንድ በምንወዳት አገራችን ስም ጥሪ አስተላልፈናል።

በመላው ኢትዮጵያ ድንበሬ ተደፈረ እያለ ደሙን እያፈሰሰ የኖረው የጎጃም እና ጎንደር ህዝብ ዛሬ ከወያኔ ጋር ትልቅ ፉልሚያ ላይ ይገኛል።

ይህንን ፉልሚያ ህገ-ወጡ ወያኔ የጣለብህን ህገ-ወጥ አስቸኳይ_አዋጅ_አሽቀንጥረህ በመወርወር በያለህበት ሆነህ ወያኔን እና የወያኔን ቅጥረኞች ትፋለማቸው ዘንድ ወገናዊ ጥሪያችንን አስተላልፈንልሃል።”
ድል ለኢትዮጵያውያን!!!

20 አውሮፕላኖች ተገደው ጋምቤላ ማረፋቸውን የኢትዮጵያ መንግስት አስታወቀ BBN

20 የሚሆኑ የሲቪል አውሮፕላኖች ተገደው ጋምቤላ ክልል እንዲያርፉ መደረጉን የኢትዮጵያ መንግስት አስታወቀ፡፡ የኢትዮጵያ ሲቪል አቪዬሽን ባለስልጣን በዛሬው ዕለት ለሀገር ውስጥ መገናኛ ብዙኃን በሰጠው መግለጫ፣ አውሮፕላኖቹ በአሁን ሰዓትም በጋምቤላ አየር ማረፊያ እንደሚገኙ ባለስልጣኑ አስታውቋል፡፡
የባለስልጣን መስሪያ ቤቱ ዋና ዳይሬክተር ኮሎኔል ወሰንየለህ ሁነኛው በመግለጫቸው ላይ ‹‹በአሁኑ ወቅት እነዚህ ተልዕኳቸው ያልታወቀና ቀድመው ወደ ኢትዮጵያ የአየር ክልል ለመግባት ፈቃድ ያልጠየቁ ቀላል አውሮፕላኖች ማንነትና የኢትዮጵያን አየር ክልል የመጣሳቸው ምክንያት እየተጣራ ነው›› ማለታቸው ተዘግቧል፡፡ በሌላ በኩል ደግሞ ቀለል ባሉ አውሮፕላኖች በሚደረግ ውድድር ላይ ተሳታፊ የነበረ አንድ የብሪታኒያ ፓይለት ወደ ኢትዮጵያ ግዛት ከገባ በኋላ የት እንደገባ አለመታወቁን የውድድሩ አዘጋጆች ገልጸዋል፡፡ ሞሪስ ኪርክ የተባለው የ72 ዓመት ሰው አፍሪካን በሚያካልለው የጉዞ ውድድሩ ከሱዳን ተነስቶ ወደ ኢትዮጵያ ጋምቤላ ክልል በመጓዝ ላይ እያለ ግንኙነቱ መቋረጡን መረጃዎች ጠቁመዋል፡፡ ዴይሊ ሜል የተባለው ጋዜጣም ለጉዳዩ ሽፋን ሰጥቶ ዘግቧል፡፡
በኢትዮጵያ ሲቪል አቪዬሽን በኩል ዛሬ በተሰጠው መግለጫ ላይ ግን ወደ ኢትዮጵያ ጋምቤላ ክልል የገቡት አውሮፕላኖች 20 መሆናቸው ተጠቅሷል፡፡ ባለስልጣኑ፣ አውሮፕላኖቹ የኢትዮጵያን አየር ክልል ጥሰው የገቡበት ምክንያት እየተጣራ ነው ቢልም፣ ሌሎች ዘገባዎች እንደጠቆሙት ከሆነ ግን፣ አውሮፕላኖቹ ወደ ጋምቤላ ክልል ሊገቡ የቻሉት በውድድር ምክንያት ነው ተብሏል፡፡ ቀለል ባሉ አውሮፕላኖች የሚደረገው እና አስር የአፍሪካ ሃገራትን የሚሸፍነው ይኸው የአየር ውድድር በዚህ ዓመት ፕሮግራሙ፣ ዩኒሴፍ ለተባለው የተባበሩት መንግስታት የህጻናት መርጃ ድርጅት ገቢ ለማሰባሰብ የተዘጋጀ መሆኑ ተነግሯል፡፡

የንፁሃንን ደም የፕሮፖጋንዳ ማሽን ማድረግ ይቁም ! ይህ የታጋዩ ሬሳ እንደሆነ ተነግሮናል ።

ኄኖክ የሺጥላ



ይህ የታጋዩ ሬሳ እንደሆነ ተነግሮናል ። የሰውነቱ ማበጥ ቢያንስ ከሞተ ሶስት ቀን የቆየ ሰው ሊሆን እንደሚችል ፎቶውን Analyze ያደረጉ የህክምና ባለሙያዎች ገልጠውልኛል። የሰውነቱ ማበጥ በደንብ ይታያል። ደረቱ በጥቁር ጨርቅ የተሸፈነው ደረቱን በጥይት ብሎ ነው የሞተው የሚል ድባብ ለመፍጠር ነው ። ይህም In any forensic study there isn’t a single case where a suicide is happened by gunning down oneself on the chest ! ራሱን የሚገል ሰው በምንም አይነት ጥይት ደረቱ ላይ ተኩሶ አይሞትም !

ደረቱን እንኳ መትቶ ሞተ ቢባል ፥ ይህ ሰው የወደቀበት አካባቢ ደም አይታይም? ደረቱ ላይ የተመታ ሰው ደሙ በቀላሉ የሚቆምም አይደለም። ደረታችን ላይ እጅግ በጣም ብዙ የደም ስሮች አሉ።

በተጨማሪ ይህ በትክክል ለፎቶ ተስተካክሎ የተነሳ ሬሳ ስለመሆኑ እጆቹን ፥ ጭንቅላቱ ያረፈበተን ቦታ እና የእግሮቹን ሁኔታ ማየት ይቻላል።

1) ይህንን ፎቶ የለቀቀው ወያኔ ነውን ? አይ እኛ ነን ካላችሁ ልብሱን አውልቆ ነው እራሱን ያጠፋው ?
2) ከሆነስ ፎቶውን በሚነሳበት ጊዜ መሳሪያው የት ገባ? በምን አይነት መሳሪያ ነው ይህ ሰው ራሱን ያጠፋው ?
3) ወይስ ጓደኞቹ ታስረው የሞቱበት የሻዕቢያ 5 ሜትር የማሰቃያ ጉድጓድ ውስጥ ነው ይህ ሰው የሞተው ?

በተጨማሪም ፎቶውን ያነሱት የትግል አጋሮቹ ከሆኑ ፥ ወዳጃቸውን እርቃኑን ለማንሳት ለምን ፈለጉ ? በትግል ውስጥ የመጀመሪያው ነገር የታገዩን በደን መከፈን ( ወይም መሸፈን ) ነው ።

ሌሎች መረጃዎቹን ወዳጆቻችን በዝርዝር እየሰሩበት ነው ። ስልክ ደውለው በተባለው ቦታ በተባለው ቀን ውጊያ እንዳልነበረ የደረሳቸው መረጃ ያስረዳል ። ተመሳሳይ የድምፅ መረጃዎች በቅርብ ለህዝብ ይፋ ይወጣሉ! የንፁሃንን ደም የፕሮፖጋንዳ ማሽን ማድረግ ይቁም ! ይህ ፍፁም አሪዮሳዊነት ነው!

ኄኖክ የሺጥላ

ዜናው ግልፅ አይደለም ሻለቃ መሳፍንት ጥጋቡ(ገብርዬ)ራሱን ለማጥፋቱ ምንም ማስረጃ የለም። የሻእቢያ ስለባ ነው የሚሉ በርክተዋል። ( ቆንጂት ስጦታው)

ዜናው ግልፅ አይደለም ነው ያልነው ። እወቁ ካላችሁ በደንብ እንወቅ ! የተነገረንን ሁሉ አንቀበልም ! የተባለው ሁሉ ውሸት ነውም አንልም ! የመመርመር መብት ግን አለን !

ዜናው ግልፅ አይደለም ሻለቃ መሳፍንት ጥጋቡ(ገብርዬ)ራሱን ለማጥፋቱ ምንም ማስረጃ የለም። የሻእቢያ ስለባ ነው የሚሉ በርክተዋል። ( ቆንጂት ስጦታው)

በሰሜን ኢትዮጵያ ድንበር ኣከባቢ በተነሳ ግጭት የበላይነቱን ይዣለሁ የሚለው የግንቦት ሰባት ድርጅት የጦር መሪዬ ሻለቃ መሳፍንት ጥጋቡ(ገብርዬ) በወያኔ ጦር ተከቦ እጄን ኣልሰጥም በማለት ራሱን ኣጠፋ ሲል የለቀቀው ዜና ብዙ የሚጣረሱና የሚጋጩ ዘገባዎችን በመያዙ ሻለቃው ራሱን ለማጥፋቱ ምንም ማረጋገጫ ኣለመገኘቱንና ምናልባትም በኣቋማቸው ምክንያት የሻእቢያ ስለባ ከሆኑ ታጋዮች ኣንዱ ነው ሲሉ ጥርጣሬያቸውን ይገልጻሉ።

ሻለቃ መሳፍንት ከዘመነ ካሴ ጋር በመሆን በግንቦት ሰባት ላይ ከፍተኛ ትችት ሲያቀርብ የነበረ ሲሆን እንዲሁም በተለያየ ጊዜ ለጦርነት የሚሆን በቂ ዝግጅት ኣድርገናል ለምን አንንቀሳቀስም በሚል በተዴጋጋሚ ከኮሎኔል ፍጹምና ከሌሎች የሻእብያ ኣካላት ጋር ይጋጭ እንደነበር በኣስመራ የኣርበኞች ግንባር ኣባላት ይናገራሉ። ሻለቃ መሳፍንት ወደ ጦር ሜዳ ተንቀሳቀስ ተብሎ ሲላክ ኣብረዉት በቡድን የተላኩ ጥቂት ሰዎች ከደምህት ተመልምለው የተወሰዱ እንደነበር የኣይን እማኞች ይናገራሉ። ሞተ ተብሎ የተነገረውም ወዲያው ሲሆን የሟቹ ኣስከሬን ግን በማን ቭድዮ እንደተነሳ ፎቶው እንዴት ተደርጎ እንደተገኘ ማብራሪያ ኣልተሰጠም።ይህ ብቻ ሳይሆን ሻለቃው ራሱን ለመግደሉ የሚያረጋግጡ ምልክቶች በሰውነቱ ላይ የለም ወያኔ ከባው ራሱን ካጠፋ ወያኔ ቦታውን ለቃ ሬሳውን ትታ እንዴት ልት ሄድ ቻለች የተገደለበት ቦታስ ድረስ የሻእቢያ ሚዲያዎች እንዴት ሊደርሱ ቻሉ የሚሉ ጥያቄዎች በተከታታይ እየተነሱ ይገኛሉ።

ከዚሁ ጋር በተያያዘ የግንቦት ሰባት ካድሬዎች ሻለቃውን የኛ ጀግና በማለት የኣርበኞች ግንባር ሰዎች የጦር ሜዳ ውሎ እንዳሌላቸው በመናገር ላይ መሆናቸውን የኣርበኞች ግንባር ኣባላትን እያስቆጣ ይገኛል። ይህ የሚያሳየው በኣርበኞች ግንባርና በግንቦት ሰባት መካከል ያለው ገመድ የሃሰት መሆኑን ነው ሲሉ ኣስተያየት ሰጪዎች ይናገራሉ።

ከዚህ ጋር በተያያዘ ግንቦት ሰባትን እርቃኑን ያወጣው ሄኖክ የሺጥላ እንደሚከተው ጽፏል።

እነ ኮነሬል ፍፁም ሁለት ጓደኞቼን ከገደሉ በኋላ ፥ በወያኔ እጅ ላለመውደቅ ራሳቸው ገደሉ ነበር ያሉን። መሳይ መኮንን ኤርትራ በወረደ ጊዜ ፥ ከአውሮፓ የገቡትን ታጋዮች ቃለ መጠይቅ አድርጎላቸው ነበር ። የነዚያ ልጆች ቃለ መጠይቅ በኮረም ነዋሪ የሆነችው ብርቱካን አሊ ልጇን በራብ ቀብራ ፥ አይ ታሞ ነው የሞተው ብላ ለሁለተኛ ጊዜ በወያኔ ከተቀረፀችው ጋ የሚያመሳስሏቸውን ብዙ ነገሮችን አስተውዬበታለሁ።

ጥያቄ
በወያኔ እጅ ላለመውደቅ ራሱን ሲያጠፋ ፥ በወያኔ ተከቧል ማለት ነው አይደል ? በጥይት ተመቶ ቆስሎ ነበር ?

እሱ ራሱን ባጠፋበት ሰዓት ፥ እሱ ራሱን ሲያጠፋ ያየ ግን ደሞ በወያኔ ያልተያዘ አካል አለ ማለት ነው ? አሁንም ማወቅ እንፈልጋለን ! ግርግር ለሌባ ያመቻል እንዲሉ ሻዕቢያ በአቋማቸው ምክንያት የገደላቸውን ሰዎች መርዶ የምናስተላልፍበት አጋጣሚ ስላለመሆኑ አሁንም ህዝቡ ማወቅ ይፈልጋል ። ይህንን የምለው በተከታታይ ጓደኞቼን ሻዕቢያ እንዴት አድርጎ እንዳጠፋቸው ስለማውቅ ነው !!!! ስለ ሚሽን 1725 በቅርቡ በስፋት ዕፅፋለሁ ። በዚህ ሚሽን እነ ኮነሬል ፍፁም የአማራ ልጆችን ጭልጋ ላይ እንዴት አስከብበው በወያኔ እንዳስደበደቧቸው ለህዝብ የማሳውቅበት ነው።

ዜናው ግልፅ አይደለም ነው ያልነው ። እወቁ ካላችሁ በደንብ እንወቅ ! የተነገረንን ሁሉ አንቀበልም ! የተባለው ሁሉ ውሸት ነውም አንልም ! የመመርመር መብት ግን አለን ! የዚህ ልጅ ቤተሰቦች የልጃቸውን ሞት ( እውነተኛ አሟሟት ) የማወቅ መብት አላቸው። ከዜናው አንፃር ገለፃው ብዥታ አለበት። ይብራራ ነው ያልነው!!! አዎ ይብራራልን የሞተው አማራ ነውና!!!!

ከትግሬ

እኔ ከትግሬ ጋር አብሬ አድጌያለሁ። ኳስ ጨዋታ እበልጣቸው ነበር ፥ ትምህርት እበልጣቸው ነበር ( የትኛውን ትምህርት አትበሉኝ ) ፥ከነኩኝ እምቢ ብሎ ራስን ማስከበር ( ድብድብ የሚሉት መሆኑ ነው ) እሱንም እበልጣቸው ነበር ፥ ጨዋነት ጭራስ አይደርሱብኝም ነበር ። አንድ የማልክደው ሃቅ ተንኮል ይበልጡኝ ነበር። በተንኮል ሰለበለጡኝ ግን ከላይ በገለፅኳቸው የልጅነት የእኩልነት መስፈርቶች በልጠውኝ አያውቁም ! ስለማይችሉ ! አሁንም ስታገላቸው ስለ ልጅነት ባህሪያቸው እያሰብኩ ነው ! ልጅ ሳለን እንዴት እንዳንበረከክኳቸው እያሰላሰልሁ ነው ! ጠላትህ ማንም አይደለም ፥ ካንተው ጋር አብሮ አድጎ እንተኑ በዘርህ የፈረጀህ እና አማራ ይሙት ያለህ ዘረኛ ወያኔ ትግሬ ነው!

በእርግጥ ይህ ቀልድ ሊመስል ይችል ይሆናል ። ግን ቀልድ አይደለም ! ስለ ስነ ልቦና የሚያውቅ ሰው የሰው ልጅ እድገቱ እና እያደገ የሰማው ታሪክ ገነ በልጅነቱ መንፀባረቅ እንደሚጀምር የስነ ልቦና ጠበብቶች ይናገራሉ ! ያባቶቻቸው ልጆች ናቸው ! እኔም ያባቶቼ ልጆች ነኝ ! ኩሩ አማራ ! ደፋር አማራ! ሞት የማይፈራ! ፍከራ አይደለም ዋቢ ምስክሮች እና ቋሚ ገድሎችን ከጀርባችን ትተን ነው ይህንን የምናወራው ! ሁሉም አማራ!

ካብ አይገባ ድንጋይ” ከደምስ በለጠ

“ካብ አይገባ ድንጋይ”

ጤና ይስጥልኝ አቶ ፈቃደ ሸዋቀና ሰላምህ ይብዛ በማለት ወደ ፅሁፌ እገባለሁ ። ታዲያ አንድ በሸዋ የደረሰ ታሪክ ቀንጭቤ ልውሰድና በዚያ ልጀምር ። የአፄ ምኒልክን ወይዘሮ ባፈና ታስታውሳቸዋለህ ብዬ ተስፋ አደርጋለሁ ። ሰትዮይቱ መጀመሪያ የምኒልክ ወዳጅ የነበሩ ቢሆንም ኋላ ላይ ግን ፍላጎታቸው ስላልተሳካ ምኒሊክን ለማስገደል ጥረት ሲያደርጉ እንደነበር ታሪክ መዝግቦ አስቀምጦታል ። ሴትዮዋ ምኒሊክን እንዲገሉላቸው ሴራ ውስጥ ከከተቷቸው ሰዎች አንዱ ፤ የሚኒሊክን አልጋ ቀጥ አድርገው ከያዙት ሰዎች ዋና የሆኑትን ራስ ጎበናን ነበር ። ራስ ጎበናም በምኒልክ ጉባኤ ላይ ሽጉጥ ደብቀው ይዘው ሊገቡ ሲሉ ተያዙና ፤ ለፍርድ ቀርበው መኳንንቱ ሁሉ ጉዳዩን ሲመረምሩ የወይዘሮ ባፈና እጅ እንዳለበት ተደርሶበት ፤ መስሪያውም ምኒሊክን ለመግደል የታሰበበት መሆኑ ሲታወቅ ፤ በራስ ጎበና ላይ ፤ የተሰበሰበው ጉባኤ የሞት ፍርድ ፈረደባቸው ። ንጉስ ምኒልክም ይህን ፍርድ ማፅናት ነበረባቸው ። ካፀኑት ይፈፀማል ካላፀኑት ይሻራልና ፤ የሳቸው ውሳኔ ሲጠበቅ ፤ አፄ ምኒልክ ይህን ተናገሩ ። “ጎበናን ከልጅነቴ ከአባቴ ዘመን ጀምሮ አውቀዋለሁ ። የአባቴንም አልጋ አገልግሏል ፤ ዛሬም ቢሆን እኔን እያገለገለ የሚገኝ ታላቅ ወታደር ነው ። ለ25 አመታት የማውቀውን ጎበናን እንዲሞት ፈርጄ ፤ እሱን የመሰለ ሰው ለማግኘት ሌላ 25 አመታት እኔ ራሴስ እድሜ ይኖረኛልን ? ካሉ በኋላ ፤ ስለዚህ እንዲሞት አልፈርድበትም ” ፤ ብለው ፍርዱን ሻሩት ። ይህ የወዳጅነት ተምሳሌት ታላቅ ትምህርት ነው ለኛ ለምኒሊክ ልጆች ። እናም ወደ ዋንው ጉዳዬ ልግባ ።

አቶ ፈቃደ ሸዋቀና ይኸው የኔና ያንተም ወዳጅነት 20 አመታት ሞላው ። ሁለት ጊዜ የመኪና አደጋ አብረን ደርሶብናል ። አንዴ ባንተ ሾፌርነት ቦስተን ማሳቹሴትስ ላይ ፤ ሌላ ጊዜ ደግሞ በኔ ሾፌርነት ሜሪላንድ ኒው ሃምሸር አቨኑ ላይ ። በሁለቱም አጋጣሚዎች ህይወታችንን ልናጣ የምንችልበት አጋጣሚዎች ነበሩ ። ከዚያም አልፈን በተለይ በዘጠናዎቹ ማለቂያ በሳምንቱ መጨረሻ ፤ ሻይ ቡና እያልን ፤ አብረን ያላሳለፍናቸው ቀናት ትዝ አይሉኝም ። የሰዉን ልተወውና ፤ 18ኛው መንገድ ራሱ ለዚህ ምስክር ነው ። ይህን ሁሉ ማለቴ በዘመን አመጣሹ ስድብ ፤ ካንተ ጋር እስጥ አገባ ውስጥ ልገባ እንደማልፈልግ ከወዲሁ ለመግለፅ ፈልጌ ነው ። አንተን በአደባባይ ሰድቤ ፤ ለራሴም ክብር አገኛለሁ የሚል ቅዠትም የለኝም ። ሌላው እንደ አባቶቻችን ሁሉ ፤ በዘመን ያፈራሁትን አንተን የመሰለ ወዳጄን ሰድቤ አዲስ ወዳጅስ ከየት ላገኝ ይቻለኛል ?

ያም ሆኖ ግን ከፅሁፍህ ላይ አንዳንድ ነገሮችን ላንሳና ልተች ። በኤርትራ በኩል የኢትዮጵያ የአማራ ገበሬዎች ስንቅና ትጥቅ እንኳ የሚያቀብል ስለሌላቸው የኤርትራ ድጋፍ ያስፈልጋቸዋል ፤ ከኤርትራም የተሻለ ወዳጅ የለንም ብለኻል ። የኢትዮጵያ አርበኞች በዚያ በክፉው የፋሽሽት ዘመን እንኳ ፤ የሚጠጉበት ቀርቶ ፤ አይዟችሁ የሚል መንግስት ባልነበራቸው ዘመን ፤ በአገራቸው ምድር ላይ ፤ በህዝባቸው መካከል ሆነው ታሪክ ሰርተው ነፃነታቸውን ጠብቀው ነበር ያለፉት ። ለአርበኞቹ ለነራስ አበበ አረጋይንና ለእነደጃዝማች በላይ ዘለቀ ስንቅና ትጥቅ የሆናቸው ህዝባቸውና ምድራቸው አገራቸው ነበር ። ይህም በተግባር የተፈተነ ሃቅ ነው ።

ሌላው አንተ አስተማሪ እንጂ ፤ የወታደራዊ ሳይንስ ትምህርቱ እንደሌለህ ስለማውቅ ፤ የሰጠሃቸው ወታደራዊ አስተያየቶች ከግምትነት በላይ ስለማይዘልቁ እተዋቸዋለሁ ። የኤርትራን (ሻእቢያን) ወዳጅነት በተመለከተ ፤ በጭፍን እንደአልተናገርኩ ልብህ ያውቀዋል ። በአይኔ አይቼ ፤ በተግባር ፈትኜ ፤ ለስድስት አመታት ተኩል ተመላልሼ ፤ እኔም ሆንኩኝ ሌሎች ኢትዮጵያውያን በተግባር ተፈትነውበት ያለፍነው ጉዳይ ስለሆነ ፤ ሁኔታውን ካንተ የተሻለ አውቀዋለሁ ።

እንደምታውቀው ደግሞ መመኘት አይከለከልም ፤ ብዙዎች በምኞትና በህልም ውስጥ እንደሚኖሩም አውቃለሁ ። ታዲያ እንዲሆን መመኘት ሌላ በተግባር መሬት ላይ ያለው ደግሞ ሌላ ። ስለዚህ አስተያየትህ ሁኔታውን ካለመረዳት የመነጨ ሃሳብ ነው ብየ አልፈዋለሁ ። እድሉን አግኝተህ አንዴ ሳይሆን ፤ እንደኔ ደጋግመህ ሄደህ ከሻእቢያ ጋር ቆይታ አድርገህ ፤ ምሁራዊ ግንዛቤ ይዘህ እንድትወጣ ደግሞ እመኝልኻለሁ ። አለበለዚያ ግን “ካብ አይገባ ድንጋይ” የሚባለው ተረት እንዳይደርስብህ እፈራለሁ ።

አቶ ፈቃደ ! ስሜን ሳትጠራ አስተያየትህን ብቻ ሰጥተህ ቢሆን ኖሮ ለሰጠኸው አስተያየት ይህን መልስ እንደማልፅፍልህ ከወዲሁ ልገልፅልህ እወዳለሁ ። ይህ ብቻ ሳይሆን አንተን የመሰለ የማውቀው ሰው ባይፅፈው ኖሮም መልስ አልሰጥም ነበር ።

ይህን ነበር ያልከው ። “ትላንት ማታ ባጋጣሚ ቤት ቁጭ ብዬ ፓልቶክ ላይ ያለ ውይይት ስሰማ የአማራ ሬዲዮ ፕሮግራም አዘጋጃለሁ የሚለው ደምስ በለጠ ኢሳያስ አማራ ስለሚጠላ እይቻለ አማርኛ አይናገርም የሚል የጠንቋይ ፖለቲካ ሲናገር ሰምቼው ሳቅኩኝ።” ይህቺን አንድ አረፍተ ነገርህን ብትን አድርጌ ላያት ፈለግኩ ። “ትላንት ማታ በአጋጣሚ ቤት ቁጭ ብየ ፓልቶክ ላይ ያለ ውይይት ስሰማ……” ብለህ ካልከው ልጀምር ። የሰማኸው በአጋጣሚ እንዳልነበረ አንተም እኔም እናውቃለን ። ለምን መሰለህ ! የፓልቶኩ አዘጋጅ ወንድማችን በፓልቶክ ስሙ “አንድነት”፤ አንተም እንግዳ ሆነህ እንደምትገባ ገልፆልኝ ነበር ። ስለዚህ በአጋጣሚ አልነበረም ስታዳምጥ የነበረው ። በምን ምክንያት እንደቀረህ ባላውቅም አንተም ከኛው ጋር ተጋባዥ እንደነበርክ አውቃለሁ ። ስለዚህ አጋጣሚ አልነበረም “………የአማራ ድምፅ ራዲዮ አዘጋጃለሁ የሚለው ደምስ በለጠ ……..” ብለኻል ።
መጀመሪያ አንድ ነገር ላስረዳ ። የፓልቶኩ ጥያቄና መልስ ሲጀመር ፤ ይህ ዛሬ የማደርገው ቃለ-መጠይቅ ከአማራ ድምፅ ራዲዮ ዝግጂት ክፍል ጋር ምንም ግንኙነት የለውም ብየ አስረድቼ ነበር የገባሁት ። ያደረኩትም እንደ አንድ ዜጋ ባለኝ መብት እንጂ ፤ በራዲዮም ስም እንዳልሆነ ካሳወቅኩ በኋላ ለምን ከራዲዮው ጋር ልታያይዘው እንደፈለክ አልገባኝም ። አማራው የራሱን ድምጽ ማግኘቱ የሚጎረውብጣቸውን ሰዎች ለማስደሰት ብለህ ከሆነ ደግሞ ምንም ልንደራቸው እንደማንችል አስረግጬ ልነግርህ እፈልጋለሁ ።

ሌላው ላስረግጥልህ የምፈልገው ፤ አዎ የአማራ ድምፅ ራዲዮ አዘጋጅ ነኝ ። ቀጥሎ ያልከው ፤ “ኢሳኢያስ አማራ ስለሚጠላ እየቻለ አማርኛ አይናገርም የሚል የጠንቋይ ፖለቲካ ሲናገር ሰምቼው ሳቅኩኝ” ፤ ነበር ። ጉዳዩን በአግባቡ አልሰማኸውም ወይም ፤ አባባሌን ገለባብጠኸዋል ። የኢሳኢያስ አማርኛ ችሎታ ፤ ከአንድ ጠያቂ እዚያው ተነስቶ ፤ ትግርኛና አረብኛ ፤ የኤርትራ ብሄራዊ ቋንቋ እንደሆኑ ተማምነን ያለቀ ጉዳይ ነበር ። ዛሬ ላይ እንደ ልማድ የተያዘው ፤ ለርካሽ እውቅና ተብሎ ፤ የሚሰራ ሸፍጥ ደግሞ የትም አያደርስም ።

እኔና አንተ በ20 አመታት ወዳጅነታችን ስለጥንቆላ አንዴ እንኳን ማውራታችንን የማስታውስበት አጋጣሚ አልነበረም ። የጠንቋይ ፖለቲካ የሚባል መኖሩንም እስከዛሬ ድረስ አላውቅም ፤ የማላውቀው ካለ ደግሞ ታላቄም አስተማሪም ነህና ካንተ ለመማር ዝግጁ ነኝ ። ይህም የጠንቋይ ፖለቲካ እንዳሳቀህም አልሸሸግክም ። ይልቅ የሚያስቀውን ልንገርህ ።

ኢሳኢያስ የኔንና ያንተን የሁለት አማሮች ንትርክ ከሰማ ፤ ሊፈጠርበት የሚችለው ስሜት ነው የሚያስቀው ።

አንድ ነገር ልበልህና ፅሁፌን ላጠቃልል ። የአማራው ህዝብ ተቆርቋሪ ነን ባዮች ያልካቸው ሰዎች ፤ አቶ ፈቃደ እንዳትሞኝ ! ባዮች እንዳይመስሉስ ትንታግ ትንታግ የሆኑ የሚሰሩትን የሚያውቁ ጠንካራ ወጣቶች ናቸው ። ታስታውስ እንደሆነ ከአንድ ወር በፊት ይመስለኛል ፤ በዚሁ ጉዳይ ላይ ከሄኖክ የሺጥላ ጋር በፌስቡክ ስትነጋገሩ የአማራው ትግል የምትሉት ወንዝ የማያሻግር ሃሳብ ነው ብለህ ነበር ። ትንታጎቹ የአማራ ልጆች ይኽውልህ ወር በማይሞላ ጊዜ ውስጥ ሁኔታውን እዚህ አድርሰውት አንተም እኔም ሁላችንም ምስክር ሆነን እያየነው ነው ። በትግባር የሚያምኑ ማእበል ሱናሚ ናቸው ።

ከአራት አመታት በፊት ሞረሾች ስለአማራው መታገል ሲጀምሩ እኔም እንዳንተው ወንዝ አያሻግርም ብያቸው ነበር ። ዛሬ ግን ያፈሩትን የአማራ ወጣት ሃይልና ሁኔታው የገባው ታላላቁን ሰው ሁሉ ሳይ ልክ እንደነበሩ መገንዘብ ችያለሁ ።

አቶ ፈቃደ ሸዋቀና መቼም ወዳጆች ነንና አንዳንድ ምክር ለግሼ ልለፍ ። መሰደቤ አይቀርም ስላልክ ነው ይህን ማለቴ ። ሰው በእድሜ ሰከን ሊል በሚገባው በስተርጅናው ዘመን ፤ ጎርፍ በየጊዜው ካመጣው ጋር ሁሉ እየነጎደ ፤ ከመጡትና ጊዜው ካስጨበጨበላቸው ፖለቲከኞች ጋር ሁሉ ቅንጣት እውቅና በመፈለግ ፤ ከአላፊ አግዳሚው ጋር ፤ እንደ ተሳዳቢ የሰፈር ባልቴት ፤ ከሚላተሙ የፌስ ቡክ የመንገድ ዳር ነገረኞች እንዲሰውርህ እመኛለሁ ።

በተፈጠረው ግርግር ወዳጅነታችን ዋጋውን አያጣም ብየ እገምታለሁና መልካሙን ሁሉ ከልብ እየተመኘሁልህ በዚሁ ልሰናበትህ ። ምንጊዜም ወዳጅህ ደምስ በለጠ ።

የህወሀት መንግስት በጎንደር ከተማ አፈናዉን ቀጥሎበታል

የህወሀት መንግስት በጎንደር ከተማ አፈናዉን ቀጥሎበታል በተለይ ተፅኖ ፈጣሪ ናቸዉ ተብሎ የሚገመቱ ሰዎች በአብዛኛዉ ወደእስር ቤትእየተጋዙ ብዙ መከራ እና ስቃይ እደረሰባቸዉ ይገኛለ፤

ከነዚህም ዉስጥ ለምሳሌ ከዚህ በታች የተዘረዘሩት ሰዎች ይገኙበታል፡፡
1.ዳኔእል (የዳን ፈርኒቸር ባለቤት ቀበሌ 18 ነዋሪ የሆነ)
2.ትዕግስት ጀምበሩ (ጉንደር የኒቨርሲቲ የምትሰራ የቀበሌ 18 ነዋሪ የሆነች)
3.ሙሉሰዉ ጌታሁን (ባጃጅ ሹፌር ቀበሌ 04 ነዋሪ የሆነ)
4.አቶ ቀለምወረቅ አስመላሽ(ጡረተኛ የሆኑ የታወቁ የሀገር ሽማግሌ ቀበሌ 05 ነዋሪ)
5.ንጉሴ ሽቤ (የአየር መንገድ ሰራተኛ የሆኑ ቀበሌ 04 ነዋሪ)
6.ሚካኤሌ (ባለሀብት የቀበሌ 13 ነዋሪ የሆነ)

እነዲሁም ብዙ የጎንደር ዩኑቨርሲቲ መምህራን በእስር ላይ ይገኛሉ:: Henok Yeshitla

ጫናው መበርታቱን ተከትሎ በደሕንነት ቢሮው የአስቸኳይ ጊዜ ኣዋጁን በማንሳት ዙሪያ የሚነጋገር ስብሰባ ተደረገ።

 ጫናው መበርታቱን ተከትሎ በደሕንነት ቢሮው የአስቸኳይ ጊዜ ኣዋጁን በማንሳት ዙሪያ የሚነጋገር ስብሰባ ተደረገ። በሳሞራ የኑስ እና በጌታቸው አሰፋ መካከል አለመግባባት አለ የሚለው ሕወሓት የምትንዛው አሉባልታ እንደተጠበቀ ሆኖ የሕወሓት አመራሮች ብቻ የተሳተፉበት ስብሰባ የአስቸኳይ ጊዜ ኣዋጁን በማንሳት ዙሪያ በአትኩሮት የተወያየበት የምእራባውያንን ጫና በተመለከተ መሆኑ ታውቋል።

በዚህ ስብሰባ ላይ ሲራጅ ፈርጌሳ የተባለው ሰውዬ ጨምሮ የኮማንድ ፖስቱ አመራሮች አለመሳተፋችውንና ስብሰባው በትግሪኛ መደረጉን ምንጮቹ ለምንሊክ ሳልሳዊ ገልጸዋል። በሳሞራና በጌታቸው መካከል ያለው ሽኩቻ የስልጣን ሳይሆን የተሰሚነት ነው የሚሉ ጉዳዩን የሚከታተሉ ኣካላት ይህን ያህል የሚጋነን ችግር በሕወሓት ውስጥ እንዳሌለ ሲናገሩ ይልቅ መከፋፍል እና የሚጋነን ችግር ያለው በለውጥ ሃይሉ ውስጥ ነው በማለት ጠቁመዋል።

ከዚሁ ጋር በተያያዘ ዜና የራሳቸውን ያላወቁ የብአዴን ኣባላት የኦሕዴድ ካድሬዎችን በሕወሓት ሰላይነትና በሕዝብ አስፈጅነት እየወነጀሉ ነው።ከአማራ ክልል ምክር ቤት አከባቢ የተገኙ መረጃዎች እንደሚጠቁሙት የራሳቸውን ያላወቁ የብአዴን አባላት የኦሕዴድ ካድሬዎች የሕወሓት ተላላኪዎች በመሆን እየበጠበጡን ነው ሲሉ በመወንጀል ላይ ሲሆኑ የኦሕዴድ ሰዎች ዝምታን መምረጣቸው ታውቋል። 

በገዛ ወገኖቻችን አማካኝነት እህቶቻችን ላይ ስውር ግን ዘመናዊ የባሪያና የወሲብ ንግድ እየተፈፀመ ነው

አሳዛኙ ጉዞ ቀጥሏል !
እኛም መጮሀችንን አላቋረጥንም!(መሳይ አክሊሉ)

“እህቶቻችን የባንጋሊ፣ የህንድና፣ የፓኪስታኒ መጫወቻ እየሆኑ ነው,,,”

“በገዛ ወገኖቻችን አማካኝነት እህቶቻችን ላይ ስውር ግን ዘመናዊ የባሪያና የወሲብ ንግድ እየተፈፀመ ነው,,,,”

“የመጡበትንም ሆነ አመጣጣቸውን በጭራሽ የማያውቁ አሉ,,,”

“በኦማን ብቻ ከ40 የማያንሱ ኢትዮጵያውያን ያለ አሻራ በባህር ትገባላችሁ በሚል በራሳችን ሀገር ሆዳምና ህሊና ቢስ ደላላዎች ተታልለው እስር ቤት ከገቡ 4 ወር አልፏቸዋል,,”

ሰላማችሁ ይብዛልኝ ውዶቼ እንዴት ናችሁ? በናንተ ፀሎት፣ ምርቃትና፣ መልካም ምኞት ይኸው በፈጣሪ ጥበቃ አለሁ።

ላለፉት ሁለት ቀናት በርከት የሉ ጥቆማዎች የመልዕክት ሳጥኔ ውስጥ ተሰትረው አነበብኩ። ሃሳባቸው ስለ ህገወጥ የዱባይ የሰራተኛ ጉዞ ነው።
ከ 2013 ጀምሮ በተለይም በሳኡዲ አረቢያ ሀገር በሪያድ ከተማ መንፉሃ በተሰኘው አካባቢ ውስጥ ከደረሰው አሳዛኝ የኢትዮጵያውያን ሞትና ሰብዓዊ መብት ረገጣ በጟላ ወደ አረብ ሀገራት የሚደረገው የሰራተኛ ጉዞ በሞላ ማለት ይቻለል መዘጋቱ ይታወሳል።
ሆኖም ግን በኢትዮጵያ አየር መንገድ ወደተለያዩ የአረብ ሀገራት የሚደረገውን ጉዞ እገዳው በፍፁም ሊያስቆመው አልቻለም።
ዛሬም በኢትዮጵያ አየር መንገድ በኩል በመቶዎች የሚቆጠሩ እንስቶች ወደ ዱባይ አየር ማረፊያ መጉረፋቸውን አላቆሙም።

“ከነገ ወዲያ ወደ ዱባይ ልበር ነው,,, ”
ብታምኑም ባታምኑም ከሰዓታት በፊት ይህን መልዕክት በስልክ የላከችልኝ በቅርቡ 20ኛ ዓመቷን ያከበረች በቅርብ የመውቃት ሴት ነት።
በአስተሳሰብ ብስለት፣ በአካላዊ ብቃት እና በማህበራዊ ግንኙነት ክህሎት ብቁ ያልሆኑ ትናንሽ እህቶቻችሁን እና ልጆቻችሁን ከጉያችሁ እየፈለቀቃችሁ ገንዘብ እየሰጣችሁ ወደ ባርነት የምትልኩ ቤተሰቦች ምን አይነት ህሊና ነው ያላችሁ በፈጣሪ?

ዱባይ አየር ማረፊያ ላይ የሚገቡትን ሴቶች እየተቀበሉ የሚወስዱት እነማን ናቸው????
ባንጋሊዎች፣ ህንዶች ፣ ፓኪስታኒዎች እናም ሴቶቻችን ወዴት እንደሚሄዱ ሳያውቁ እንደበግ እየተነዱ ወደማያውቁት የጭለማ ዓለም ይወሰዳሉ ከዛስ ቤተሰብ በስድስት ወሩ ልጄ ድምፇ ጠፋ ብሎ የአዞ እንባ ማንባት አጉል እዬዬ።
የዱባይ መንግስት ለቪዚት ቪዛ እንኳ የዕድሜ ገደብ ወስኗል ለሴት 30 ለወንድ 28 ብሎ የ 20 እና የ18 ዓመት ልጆችን እየወሰዱ በየካፍቴሪያው በየሺሻ ቤቱ መማገድ ከቶ ግፍ አይደለምን?
የኢትዮጵያ አየር መንገድ ውስጥ የሚገኘው የኢሚግሬሽን ንዑስ ክፍልስ ለምን የሚወጣውን ሰው የእድሜ እና የሂደቱን ምክንያት አይቆጣጠርም? ምኑ ከብዶ ነው?

ስለእውነት እህቶቻችን እያለቁ፣ እየተበላሹ፣ ወደ ጭለማ እየተነዱ ነው በየገጠሩ በየእርሻ ቦታው ቤትና ግቢ ተዘግቶባቸው፣ የረሀቡና የደሞዝ ክልከላው ሳያንስ በፆታዊ ጥቃት የእድሜ ልክ የህሊና ቁስል እየላጡ ከዓለም ተገልለው በስቃይ የሚኖሩትን አምላክ ያያቸዋል።
ሰው ከሀገሩ ወጥቶ አይስራ የሚል አቋም የለኝም ግን ሁሉም በህግና በአግበቡ ይሁን ነው በደህንነትና በሰላም ሰርተው ከራሳቸው አልፈው ለብዙዎች የተረፉ አሉ ግን በዚህ መልክ አይደለም።
አስቸኳይ መፍትሄ ያስፈልጋል ቁጥጥር ሊኖር ግድ ነው
ሰራተኛና ማህበራዊ ጉዳይ፣
የሴቶች ጉዳይ፣
የውጪ ጉዳይ,,, ሌሎቻችሁም የመንግስት አካላት የናንተ እርምጃዎች ወሳኝ ናቸው የነገ ሀገር ተረካቢ ትናንሽ እህቶቻችንን እንታደግ።

አንድ የባህርዳር ዩኒቨርሲቲ ተማሪ በትግራይ ተወላጅ ተማሪ ዘግናኝ ጥቃት ተፈፀመበት።

አንድ የባህርዳር ዩኒቨርሲቲ ተማሪ በትግራይ ተወላጅ ተማሪ ዘግናኝ ጥቃት ተፈፀመበት።
በተመሳሳይ ህዳር 21 ያልተጠበቀ ጥቃት ሊፈፅሙ መዘጋጀታቸውን በቅርብ የሚከታተሏቸው ተማሪዎች መረጃውን አውጥተውታል።
የትግራይ ተውላጅ ተማሪዎች ሌሎች ተማሪዎችን መተንኮል ጀምረዋል።በተለይ በዚህ ሁለት ቀን ውስጥ ተደጋጋሚ ትንኮሳዎችን አድርገዋል። ከነዚህም መካከል አክሊሉ መንገሻ የተባለ የ3ኛ አመት ማኔጅመት ተማሪ ትናንት ምሽት ጆሮውን_ቆርጠውታል፤ ልጁም ለህክምና ወደ አዲስ አበባ ተልኳል፤ወንጀል ፈፃሚውም በፖሊስ ቁጥጥር ስር ውሏል ተብላል።

ቆራጩ ትግሬ ሲሆን አክሊሉ ግን የአቦምሳ (ናዝሬት አካባቢ) ልጅነው ፡፡ ልጁ ለህክምና  ወደ አዲስ አበባ ትናንት የተላከ ሲሆን የኢትዮ ስታር ሆቴል ባለቤት (ትግሬ )  ለማደራደር በሽምግልና ቢመጡም አልተሳካም።ሌላ ደግሞ የአደት ልጅ 3ኛ አመት ማርኬትንግ ተማሪም እንድሁ ጥቃት ሊያደርሱበት ሞክረው ሳይሳካላቸው ቀርቷል ፡፡ በተለይ ትናንትና ዛሬ ብዙ ተማሪዎችን ሲተናኮሉና ሲደባደቡ ነበር።
በዚህ አጋጣሚ የዩኒቨርሲቲ ተማሪዎች እርስበርሳችሁም ሆነ ሌሎች ዩኒቨርሲቲዎች ጋር አፋጣኝ መረጃ ትለዋወጡ ዘንድ እንመክራለን።
Ayalew Menber

የሃይማኖት ትቋማትን ለማቃጠል የተደረገው ሙከራ ከሸፈ

ቢቢኤን በዛሬው ህዳር 12/2009 ዝግጅታችን

በማሻመቅደላ የሃይማኖት ትቋማትን ለማቃጠል የተደረገው ሙከራ ከሸፈ
-ጠ.ሚኒስትር ሃይለማርያም በሳኡዲአረቢያ ናቸው ርሳቸው ሲጠበቁ አቶ ሲራጅ ፈርጌሳ መጡ
ውይይት ተሳታፊ አናግረናል ሙስሊሙን መብት አስመልክቶ የሰጡት መልስ አሳዛኝ ነው ተብሏል
-በሳኡዲ ጅዳ ታሳሪዎች ሀገራችን አስገቡን እያሉ ነው
-አዲሱ የኢትዪ ሶማሌ ንቅናቄ መስራቾች ጋር ቆይታ ክፍል 2
-የሸህ ሙሃመድ ሃሚዲን መጽሃፍ በሪያድ ሊመረቅ ነው
-የብአዴን ማዕከላዊ ኮሚቴ ተጨንቋል
-የትግራይ ልማት ማኅበር ገንዘብ ማጭበርበሩ ተነገረ
-የታሰሩት የተቃዋሚ ፓርቲ አባላት እና ጦማሪው ከአዲስ አበባ ውጭ ተወሰዱ
-በጅማ ዩኒቨርሲቲ ተቃውሞ አለ

ፕሮግራሙን አድምጠው ማስተላልፍዎን አይዘንጉ

የአስቸኳይ ጊዜ አዋጁ የዜጎችን መብት እየገፈፈ ነው ተባለ

አንዳንድ ከፍተኛ የአመራር አባላቶቻቸውን ጨምሮ በርካታ አባላትና ቁጥራቸው የበዛ ደጋፊዎቻቸው የታሰሩባቸው መሆኑን፤ ከታሰሩባቸው የአካባቢ እስር ቤቶች ዘመድ ጠያቂ ወደማያገኙባቸው ካምፖች አዛውረዋቸዋል ሲሉ ሁለት የፖለቲካ ፓርቲዎች አማረሩ።

ዋሺንግተን ዲሲ — በአስቸኳይ አዋጁ ሥም የዜጎች መብት እየተገፈፈ ነው፤ ሲሉ የከሰሱት ተቃዋሚ ፓርቲዎች በእስር ላይ የሚገኙ አባሎቻቸው ያሉበት ያልታወቀ መኖራቸውንም ተናግረዋል።

አዋጁ ከመደንገጉ አስቀድሞ የታሰሩ አንዳንድ የአመራር አባላቶቻችንን

“የታሰሩበት ጉዳይ አያስከስሳቸውም፣ ሊለቀቁ ይገባል” ሲል የክልሉ ፍትሕ ቢሮ ለማረሚያ ቤቱና ለፖሊስ ደብዳቤ ቢፅፍም እስካሁን ያለመለቀቃቸውን፤ እንዲያውም እንደ አዲስ በአስቸኳይ ጊዜ አዋጁ እንዲታይ እየተደረገ ነው ሲሉ ተናግረዋል፡፡

ለተጨማሪ የተያያዘውን የድምፅ ፋይል ያዳምጡ፡፡

በዳዳብ ስደተኞች ጣቢያ የሚኖሩ ኢትዮጵያውያን ኑሯችንን ተረጋግተን መምራት አልቻልንም ይላሉ

በዳዳብ ስደተኞች ጣቢያ የሚኖሩ ኢትዮጵያውያን ኑሯችንን ተረጋግተን መምራት አልቻልንም ይላሉ

“ኑሯችንን ተረጋግተን መምራት አልቻልንም” በዳዳብ ስደተኞች ጣቢያ የሚኖሩ ኢትዮጵያውያን

በዓለም ትልቁ የሆነው የዳዳብ የስደተኞች መጠለያ ጣቢያ የሚኖሩ ኢትዮጵያዊያን ወደ ሌላ የስደተኞች መጠለያ ጣቢያ እንደሚዘዋወሩ የኬንያ መንግሥት እንደገለፀላቸውና፤ በአሁኑ ወቅት ኑራቸው በእንጥልጥል መቆየቱን ያስረዳሉ።

ሊነበብ የሚገባው – ከእሬቻ ጭፍጨፋ ጀርባ የወያኔ ሴራ ሲጋለጥ – በወያኔ ቅጥረኝነት የኦሮሞን ሕዝብ እያስፈጁ ካይሮ መሸሸጊያ ሆኗል። (ቆንጂት ስጦታው)

ሊነበብ የሚገባው – ከእሬቻ ጭፍጨፋ ጀርባ የወያኔ ሴራ ሲጋለጥ – በወያኔ ቅጥረኝነት የኦሮሞን ሕዝብ እያስፈጁ ካይሮ መሸሸጊያ ሆኗል። (ቆንጂት ስጦታው)

እንንቃ እንንቃ እንንቃ

በኦሮሚያ ክልል የተቀሰቀሰውን ኣመጽ ተከትሎ ወያኔ የተለያዩ የደህንኔት ኣካላቶቹን በተቃውሞዎች መሃል በማስገባት የሕዝብን ሰላም በማደፍረስ ሕዝቡን ኣስፈራርቶ ሰጥ ረጭ ለማድረግ ጉልቤቱን ለመጠቀም እንዲያመቸው በግንባር ቀደምትነት የሚሳተፉ ኦሮሚኛ ተናጋሪ ወጣቶችን በማሰማራት ቅስቀሳ ካደረገ በኋላ የሃይል እርምጃዎችን ወስዶ ቅስቀሳውን እንደመሩ የተቆጠረላቸውን ወጣቶች ሕወሓት ከጀርባ በሚነዳቸው ዲያስፖራ ሚዲያዎች ጄግኖች በማሰነት ስማቸውን ኣግዝፎ በመናገር የዋሕ ኢትዮጵያውያንን እያጭበረበረ ይገኛል።

በእሬቻ በዓል ላይ “ዳውን ዳውን ወያኔ” ያለው ወጣት ወደ ማይኩ ተጠግቶ የሚፈልገውን በማለት ከቀሰቀሰ በኋላ በወቅቱ የነበረው ሁኔታ ልብ ብሎ ለተመለከተው ሰው ነገሩን ሊያጤነው ይችላል።ማይኩን እንዲቆጣጠር የተሰጠው ክፍተት ማይኩን ለመንጠቅ የተሰጠው ክፍተት እንዲሁም በወቅቱ ጨካኞቹ የሕወሓት ፖሊሶች ምንም አይነት እርምጃ አለማሳየታቸው ሲልም ይህንን ከተናገረ በኋላ ከመድረኩ ጀርባ ከሰወች ጋር ፎቶ ሲነሳ መታየቱ እና በወቅቱ የነበረው ሁኔታ ብዙ ጥርጣሬ ያስጭራል።

እውን ትክክሌኛ ታጋይ ቢሆን ኖሮ ወያኔ በቀላሉ ታልፈዋለች እኔ እስክንድር ነጋ እነ አንዱኣለምና ሌሎች የፖሌቲካ ሰዎች ጋዜጠኞችና ኣክቲቭስቶች ወዘተ እየተለቀሙ በሚታሰሩባት ኣገር ይህ ግለሰብ ተናግሮ ሲወርድ የሚከታተለው አንድ የደህነንት ሰው ወያኔ ቸግሯት አጥሯት ነበር ማለት ጅልነት ነው። በተከታታይ ልጁ በቁጥጥር ስር ውሎ እንደነበር የሕወሓት ካድሬዎች ኣስረግጠው ሲናገሩ ነው ይህ ጉዳይ ከተረሳሳ በኋላ ወጣቱ ግብጽ ካይሮ ገባ ብሎ መናገር ልጁ ያለውን ተልእኮ ኣጠናቆ በወያኔ ድጋፍ ካይሮ መድረሱ ይታወቃል። ይህ ብቻ ሳይሆን ወጣቱ ካርቱም ድረስ በኣውቶብስ ተጉዞ ወደ ካይሮ በኣየር መብረሩን እማኞች ይናገራሉ። ከዚህ በተረፈ እያንዳንዱን እንቅስቃሴ እውቀቱ ያላቸው ሰዎች የሕወሓትን ተንኮል የሚያውቁ ሰዎች ሊያስረዱ ይችላሉ፤ የማይመስል ነገር ለሚስት ኣትናገር። ወያኔ ወጣቶቹን ቀስቃሽ በማድረግ የኦሮሞን ሕዝብ ለመጨፍጨፍ ከተጠቀመባቸው ነኋላ ወደ ካይሮ ግብጽ ኣሼጋጌራችሀው ካይሮ ግብጽ እንዲሄዱ የተደረገው ደግሞ ግብጽ የኦሮሞን ትግል ትደግፋለች ብሎ ለመወንጀል እንዲያመች ነው። ለምን ኬንያ ሱዳን ጅቡቲ ኣልተመረጡም ???

ግንቦት ሰባት ያለመጠየቅ ህግን አዳብሯል ። ተከታዮቹ የመጠየቅ መብት የላቸውም ! ( ኄኖክ የሺጥላ )

ወያኔ ትግሬ ያለመጠየቅ መብትን ህጋዊ አድርጎ የሚንቀሳቀስ ቡድን ነው ። ህዝቡ የመናገር እና የመጠየቅ መብት እንደሌለው ወያኔ ትግሬ በሚያደርገው ነገሮች ሁሉ አሳይቷል። የመ-ፈራት ህግን አጥቷል ። በዚህም ህዝብ ለረጅም ጊዜ ይፈራው ነበር። ጥቂት ደፋሮች ቆርጠው ተነሱ ! የመለስ አምልኮ ብለው ፃፉ! ፊት ለፊት ተጋፈጡት! በመሳሪያ ሳይሆን በሃሳብ ። እስክንድር ጥይት ተኩሶ አይደለም የታሰረው ። የእስክንድር ጥይቱ ብዕሩ ነው ። ተመስገን ወታደር አቁሞ አይደለም የተፋለመው ! የተመስገን ጦሩ ሃሳቡ ነው። አንዷለም በርሃ ስለገባ አይደለም ለወያኔ ጭንቀት የሆነው ፥ የአንዷለም መልዕክቱ ግን ከቦንብ በላይ ወያኔን አቁስሎታል ። ስለዚህ ሃሳብን የሚፈራው ወያኔ ሃሳብን እያሳደደ ያስር ጀምር ።ሃሳብ እና የማሰብ ነፃነት ለዘላለም ይኖራል ወያኔ ግን አይቀጥልም ይወድቃል ! ውድቀት አንድ

ግንቦት ሰባት ያለመጠየቅ ህግን አዳብሯል ። ተከታዮቹ የመጠየቅ መብት የላቸውም ! ሃሳብ ማንሸራሸር ነውር ነው ። ለምን ማለት ክልክል ነው ! ዝም ብለህ ተከተል! ይህ የግንቦት ሰባት ህግ ነው ! እኛ ስራውን እንሰራለን ፥ አንተ ግን ስለምንም ነገር የማወቅ መብት የለህም! ከተከተልህ ትከተላለህ ! እጠይቃለው ፥ አውቃለው ካልህ ገደል ትገባለህ ! በጥያቄ እና በግንቦት ሰባት መሃከል የቻይናን ግንብ የሚያህል ትልቅ ጥርብ ድንጋይ አለ ። ከተወያየህም የምትወያየው ሰላማያወያይ ነገር ነው ። ይህንን ህግ ያፈረሰ በአድማ እንዳይሆኑ ተደርጎ ይዘለፋል! ይወረፋል ! በፍጥነት ከሰውነት ወደ እንስሳነት ( ወያኔነት ) ይሸጋገራል ! ሃሳቡን ከመረዳት ስሙን ማጥፋት ቀላሉ መንገድ ይሆናል ። ይህንንም ሲያደርጉ ለሌሎች ተከታዮቻቸው መቀጣጫም እንደሚሆን እያሳዩ ነው ። የመፈራት ህግን ልክ እንደ ወያኔ እያፀደቁ ነው ። ትዕቢት ነው ! ውድቀት ሁለት!

ኄኖክ የሺጥላ

ሸውራራ ዕቅዶች ዋጋ ማስከፈላቸውን ቀጥለዋል

ሸውራራ ዕቅዶች ዋጋ ማስከፈላቸውን ቀጥለዋል========

የአዲስ አበባ (ሰበታ) ጂቡቲ የባቡር ሃዲድ ግንባታ ሲጀመር መስመሩ የገቢና ወጪ ንግድ ማቀላጠፍ የሚያስችል በመሆኑ በርካቶችን ያስደሰተ ፕሮጀክት ነበር፡፡ በኢትዮጵያ ምድር ባቡር ኮርፖሬሽን ባለቤትነት በሁለት የቻይና ኩባንያዎች የተገነባው ይህ የባቡር መስመር በጉጉት ሲጠበቅ ቆይቶ፣ ከወራት በፊት ጠቅላይ ሚኒስትር ኃይለ ማርያም ደሳለኝ ባሉበት ተመርቋል፡፡ የባቡር ፕሮጀክቱ ከመመረቁ በፊት የጀመረውን የሙከራ ጉዞ ወደ ማገባደዱ የቀረበ ቢሆንም፣ ፕሮጀክቱ ያላካተታቸው ማዕቀፎች እየተስተዋሉ በመምጣታቸው ቅሬታ እየፈጠረ መጥቷል፡፡

እነዚህ ጉድለቶች የአሪቱ ፕሮጀክቶች ፕላን የማድረግ አቅም ጥያቄ ውስጥ የከተቱ ሆነዋል፡፡ 656 ኪሎ ሜትር ርዝመት ያለው የኢትዮ ጂቡቲ አዲስ የባቡር መስመር ለምን ተግባር እንደተገነባ እስከመጠየቅ የደረሱ ባለሙያዎች ብቅ እያሉም ይገኛል፡፡ ምክንያቱም አራት ያህል ማዕቀፎች ፕሮጀክቱ ሲጀመር ጀምሮ ተካተው መሄድ ሲገባቸው፣ ጭራሽ ታሳቢ ባለመደረጋቸው ግንባታው ብቻውን ኢኮኖሚውን ሊደግፍ አይችልም ከሚል አስተሳሰብ የመጣ ጥያቄ እንደሆነ እየተስተዋለ ነው፡፡

የባቡር መስመሩ ከአዲስ አበባ ተጉዞ ጂቡቲ ቢደርስም ወደ ወደቦች የሚወስዱ መስመሮች እስካሁን አልተገነቡም፡፡ በዚህ ምክንያት ደረቅ ዕቃዎች የሚራገፉባቸው ወደቦች ውስጥ ሆነ ነዳጅ የሚራገፍበት ሆራይዘን ተርሚናል ውስጥ መግባት አይችሉም፡፡

ባቡሩ በተለመደው የጭነት አሠራር ዕቃ ጭኖ ወደ አገር ውስጥ ቢመጣም፣ ለምሳሌ በአዋሽ በሚገኘው የመጠባበቂያ ነዳጅ ማከማቻ ዲፖ ውስጥ ነዳጅ ያራግፍ ቢባል እንኳ ወደ ቅጥር ጊቢው የሚወስድ ሃዲድ አልተገነባም፡፡ ከዚህ በተጨማሪም የአገሪቱ ትልቁ የደረቅ ወደብ ባለበት ሞጆ ደረቅ ወደብ ቅጥር ግቢ የሚገባበት የባቡር መስመርም አልተዘረጋም፡፡

ከዚህ ባሻገር ባቡሮቹ በኤሌክትሪክና በነዳጅ የሚሠሩ ቢሆኑም፣ በታዳሽ ኃይል እንደምትጠቀም ስትገልጽ ለቆየችው ኢትዮጵያ የኤሌክትሪክ ኃይል ወሳኝ ድርሻ ይኖረዋል፡፡ ነገር ግን አሁንም ቢሆን የባቡር መስመሩ ቢጠናቀቅም የኤሌክትሪክ ኃይል ለማግኘት አስፈላጊ የሆኑትን የመሠረት ልማቶች ገና ናቸው፡፡ በቅርብ በሒልተን አዲስ አበባ በተካሄደ ጉባዔ ላይ የኢትዮጵያ ምድር ባቡር ኮርፖሬሽን የምህንድስና ግዥና ጥገና ኃላፊ አቶ የኑስ ሙሻጋ እንደገለጹት፣ የኢትዮጵያ ጂቡቲ ዋና የባቡር መስመር ከጂቡቲ የነዳጅ ወደብ ከሆነው ሆራይዘን ተርሚናልና ከአዋሽ ብሔራዊ የመጠባበቂያ ዲፖ ጋር ባለመገናኘቱ በዚህ ዓመት ነዳጅ ማመላለስ አይጀምርም፡፡

አቶ የኑስ በዚህ ጉዳይ ላይ ለሪፖርተር በሰጡት ማብራሪያ ‹‹ይህ የገጠመን ትልቅ ፈተና ስለሆነ ችግሩን መፍታት ይኖርብናል፤›› ሲሉ ገልጸዋል፡፡ በነዳጅ ማመላለሻ ተሽከርካሪዎች ነዳጅ ከማመላለስ ይልቅ በባቡር ቢጓጓዝ ወጪን በከፍተኛ መጠን ይቀንሳል፡፡ ባለሙያዎች እንደሚገልጹት፣ የባቡር መስመሩ ከአራት ቢሊዮን ዶላር በላይ ስለወጣበት ለግንባታ የወጣውን ብድር በወቅቱ ለመመለስ ነዳጅ በባቡር ማመላለስ ትልቅ ድርሻ አለው፡፡ ስለሆነም ነዳጅ በባቡር አለመማላለስ ኪሳራ የሚሆንበት አጋጣሚም አለ ይላሉ፡፡

የባቡር ሃዲዱ የሚያጓጉዛቸውን ዕቃዎች ሞጆ ደረቅ ወደብ ለማድረስ 3.5 ኪሎ ሜትር አዲስ የሃዲድ ዝርጋታ ለማካሄድ እንቅስቃሴ ገና ተጀምሯል፡፡ ይህ አስፍቶ አለማየትና በጥልቀት አለመታቀዱ ያመጣው ውጤት ነው ይላሉ ባለሙያዎች፡፡ የኢትዮጵያ የባህር ትራንስፖርትና ሎጂስቲክስ አገልግሎት ድርጅት ኢንተርፕራይዝ ዋና ሥራ አስፈጻሚ አቶ አሕመድ ቱስ ስሞኑን እንደተናገሩት፣ የሞጆ ደረቅ ወደብን ከባቡር መስመሩ ጋር ለማገናኘት 3.5 ኪሎ ሜትር የባቡር ሃዲድ ግንባታ እየተካሄደ ነው፡፡ ‹‹በኮምቦልቻና በመቐለ ደረቅ ወደቦች ግን ተጨማሪ ወጪ ሳይወጣባቸው ከወዲሁ ከዋናው የባቡር መስመር ጋር እንዲተሳሰሩ ተደርጎ ይገነባሉ ሲሉ የኢንተርፕራይዙ የወደብና ተርሚናል ዘርፍ ምክትል ሥራ አስኪያጅ አቶ ደሳለኝ ገብረሕይወት አክለው ተናግረዋል፡፡

በኤሌክትሪክ ፕሮጀክቶች በኩል ሲታይም ይኸው የፕላን ችግር መኖሩን የሚያመለክቱ ችግሮች ይታያሉ፡፡ የኢትዮጵያ ኤሌክትሪክ ኃይል ከሚያካሂዳቸው ፕሮጀክቶች መካከል ጊቢ ሦስት ኤሌክትሪክ ኃይል ማመንጫ ተጠቃሽ ነው፡፡ ይህ ፕሮጀክት ከብዙ ውጣ ውረድ በኋላ ግንባታው ተጠናቆ በተለይ በ2008 ዓ.ም. አገሪቱን የድርቅ አደጋ ባጋጠማት ወቅት ሌሎች ግድቦች ውኃ መያዝ ባለመቻላቸው በወሳኝ ችግር ወቅት የደረሰ ኃይል ማመንጫ ግድብ ተብሎ ይሞካሻል፡፡

ግድቡ በአሁኑ ወቅት ተጠናቋል ማለት የሚቻልበት ደረጃ ላይ ቢደርስም፣ እያመነጨ የሚገኘው ከማምረት አቅሙ በግማሽ ያነሰ ነው፡፡ የኢትዮጵያ ኤሌክትሪክ ኃይል የፓወር ጄኔሬሽን ኤግዚኪዩቲቭ ኦፕሬሽን ኦፊሰር አቶ አንዳርጌ እሸቴ ከሪፖርተር ጋር በነበራቸው አጭር ቆጥታ እንደገለጹት፣ የግልገል ጊቤ ሦስት ኃይል ማመንጫ አሥሩም ተርባይኖች ኃይል ማመንጨት ይችላሉ፡፡

‹‹ነገር ግን እየተመረተ ያለው በአምስት ተርባይኖች ነው፡፡ የተቀሩት በሪዘርቭ ተይዘዋል፤›› ሲሉ አቶ አንዳርጌ ገልጸዋል፡፡ ‹‹ይህ ሊሆን የቻለውም በአገሪቱ የኃይል እጥረት ባለመኖሩ ነው፤›› ሲሉ አቶ አንዳርጌ ጨምረው ገልጸዋል፡፡

በእርግጥ የመረጃ ምንጮች እንደሚጠቁሙት በአገሪቱ የኃይል ፍላጎት ተሟልቶ ሳይሆን የትራንስሜሽንና የሰብስቴሽን ሥራዎች ባለመሠራታቸው ነው፡፡ በርካታ ፋብሪካዎች የኃይል ፍላጎት ቢኖራቸውም ራሱን የቻለ መስመር ስላልተዘረጋላቸው የሚቸገሩም በርካታ ናቸው፡፡ በከተሞች በተለይ የኃይል መቆራረጡ መሻሻል እያሳየ ቢሆንም፣ አሁንም እዚህም እዚያም ችግሩ እንዳለ የሚታይ ነው፡፡ በዋናነት ግን በአዲስ አባ በሰፊው እየተገነቡ ያሉ የኮንዶሚኒየም ቤቶች ግንባታ መስተጓጎልም ሆነ፣ ዕጣ የወጣባቸው ቤቶችም ለነዋሪዎች መተላለፍ ያልቻሉት በኤሌክትሪክ አቅርቦት ችግር መሆኑ በከፍተኛ ባለሥልጣናት ጭምር ሲገለጽ ቆይቷል፡፡ በከተማው የሚገኙ አዳዲስ የመኖሪያ ቤቶች ኤሌክትሪክ አልባ ሲሆኑ፣ የኢትዮጵያ ኤሌክትሪክ ኃይል ባለሥልጣናት ግን ችግሩ የእነሱ ሳይሆን ኤሌክትሪክ የሚያሠራጨው የኢትዮጵያ ኤሌክትሪክ አገልግሎት ላይ ጣት መቀሰራቸው አልቀረም፡፡ ያም ሆኖ ግን ኤሌክትሪክ አቅርቦት አለ ቢባልም ማጠንጠኛው ኤሌክትሪኩ አለመድረሱ ነው፡፡

በቅርብ የተቋቋመው የፌዴራል የተቀናጀ የመሠረተ ልማቶች ማስተባበሪያ ኤጀንሲ ዋና ዳይሬክተር አቶ በቀለ ንጉሤ ለሪፖርተር እንደገለጹት፣ ይህ ችግር በሁሉም የመሠረተ ልማት ተቋማት የሚስተዋል ነው፡፡

አንድ ፕሮጀክት ሲታቀድ ስፋትና ጥልቀት ሊኖረው ይገባል፡፡ ‹‹የባቡር መስመር ለመገንባት ፈልገህ አትነሳም፣ ምንድነው የሚጓጓዘው ብለህ ትነሳለህ እንጂ›› በማለት የሚገልጹት አቶ በቀለ፣ ‹‹ሁሉም የመሠረተ ልማት ተቋማት የተናጠል ዕቅዳቸውን ለማሳካት የሚሯሯጡ በመሆኑ መሰል ችግሮች እየሰፉ መጥተዋል፤›› በማለት አስረድተዋል፡፡

ይህንን ችግር በዘላቂነት ለመፍታት መንግሥት አዲሱን የፌዴራል የተቀናጀ የመሠረተ ልማቶች ማስተባበሪያ ኤጀንሲ አቋቁሟል፡፡ ይህ ኤጀንሲ ባለፈው ቅዳሜ በይፋ ሥራ የጀመረ ሲሆን፣ በተለይ ከዚህ በኋላ የሚሠሩት ግዙፍ የመሠረተ ልማት ተቋማት ወጥ በሆነ መንገድ በሚዘጋጀው ማስተር ፕላን እንዲመሩ ያደርጋል፡፡

እጅግ ችግር ያለባቸው ያልተጣጣሙ ፕሮጀክቶች በሚቋቋሙ ኮሚቴዎች እየተመሩ፣ ችግሩን እንዲያስተካክሉ መመርያ የተላለፈ ሲሆን፣ በግንባታ ሒደት ላይ ያሉት ፕሮጀክቶች ደግሞ ያላካተቱትን ጠቃሚ ግብዓት እያካተቱ ይሄዳሉ ተብሏል፡፡

መንግሥት ከ700 ቢሊዮን ብር በላይ በመመደብ የመንገድ፣ የባቡር ኔትወርክ፣ የቤቶች ልማት፣ የስኳር ልማት፣ የማዳበሪያ ፋብሪካ፣ የውኃ ልማት፣ የኢነርጂ አቅርቦት የመሳሰሉ ግንባታዎችን በሰፊው በማካሄድ ላይ ይገኛል፡፡

እነዚህን ፕሮጀክቶች በተለይ የመሠረተ ልማቶችን ዘርፍ አዲስ የተቋቋመው፣ የፌዴራል የተቀናጀ የመሠረተ ልማቶች ማስተባበሪያ ኤጀንሲ፣ ሌሎቹ በተለያዩ መሥሪያ ቤቶች የሚከናወኑ ቢሆንም፣ በማክሮ ኢኮኖሚ ደረጃ ያሉት ደግሞ በብሔራዊ ፕላን ኮሚሽን የሚታዩ ናቸው፡፡

በአሁኑ ወቅት የፕላን ያለመናበብ፣ ፕሮጀክቶች በተያዙላቸው የጊዜ ገደብ አለመጠናቀቅ፣ በሁለቱም ዘርፎች እየታየ ያለ ችግር ሲሆን፣ የስኳር ልማትና የማዳበሪያው ፋብሪካ ዘርፍ የእነዚሁ ችግሮች ሰለባዎች ሆነዋል፡፡

በስኳር ዘርፉ 2.25 ሚሊዮን ሜትሪክ ቶን ስኳር ምርት፣ 304 ሺሕ ሜትር ኩብ ኢታኖል፣ 200 ሺሕ ሔክታር ሸንኮራ አገዳ ልማት በፕሮጀክት ውስጥ የተያዙ ናቸው፡፡ ፋብሪካዎቹና የሸንኮራ አገዳ ልማት በታቀደለት ጊዜ ተጣጥሞ መሄድ ባለመቻሉ የደረሱ የሸንኮራ አገዳዎች እየተወገዱም እንደሆነ እየተነገረ ነው፡፡ በማዳበሪያ ፋብሪካዎችም እንዲሁ አምስት ዩሪያ፣ ሦስት የዳፕ ፋብሪካዎች፣ አንድ ሰልፈሪክ አሲድ ፋብሪካ፣ አንድ የከሰል ማዕድን ቁፋሮ ግንባታዎች ይገነባሉ ተብሏል፡፡ ነገር ግን የማዳበሪያ ፋብሪካዎቹ ከእነዚሁ ችግሮች ማምለጥ እንዳልቻሉ እየተነገረ ይገኛል፡፡

በአጠቃላይ ፕሮጀክቶች በተያዙላቸው ጊዜ ቢጠናቀቁ፣ በትክክል በተሟላ መንገድ ቢታቀዱና አገሪቱ ከፍተኛ ኢኮኖሚያዊ ዕድገት የምታስመዘግብ ቢሆንም፣ በአሁኑ ወቅት ግን እየተተገበረ ያለው የዚህ ተቃራኒ በመሆኑ አገሪቱን በሀብት ደረጃ ዋጋ እያስከፈለ ነው፡፡ ኅብረተሰቡ በሚገነቡ የመሠረተ ልማት አውታሮች አጀማመር ደስተኛ ቢሆንም፣ ፕሮጀክቶቹ እንዳማረባቸው የሚጠናቀቁ ባለመሆኑም ደስታ በሐዘን እየተቀየረም ይገኛል፡፡