ዘመን አይሽሬው ብዕረኛ ፤ክቡር ዶ/ር ሀዲስ አለማየሁ ህይወታቸው ካለፈ ዛሬ 13 ዓመት ሞላቸው! !!!

ዘመን አይሽሬው ብዕረኛ ፤ክቡር ዶ/ር ሀዲስ አለማየሁ  ህይወታቸው ካለፈ ዛሬ 13 ዓመት ሞላቸው! !!!!!

/በኢዮብ ዘለቀ/

በኢትዮጲያ አቆጣጠር ጥቅምት 7 ቀን 1902 ዓ.ም.በቀድሞ አጠራሩ በጎጃም ጠቅላይ ግዛት በደብረ ማርቆስ አውራጃ ተወለዱ ፤ ታላቁ የብዕር ሰው ክቡር ዶ/ር ሀዲስ አለማየሁ ።

ክቡር ዶ/ር ሀዲስ አለማየሁ በ ደብረ ኤልያስ ባህላዊውን የቅኔና ዜማ ትምህርታቸውን ተከታትለዋል ።

ከቀደምት የተፈሪ መኮንን ትምህርት ቤት ተማሪዎች መሀክል አንዱ የነበሩት ሀዲስ እስከ ኢጣሊያ የወረራ ዘመን ድረስ ዘመናዊ ትምህርታቸውን የመከታተል እድሉን አግኝተዋል ።

በኢጣሊያ የወረራ ዘመን አርበኛችን ተቀላቅለው ጠላትን ሲፋለሙ በመማረካቸው እስከ 1936 ዓ.ም. ድረስ ወደ ኢጣሊያ ሃገር ተወስደው በእስር ላይ ቆይተውል ።

ከነጻነት በኃላ ለአመታት በዲፕሎማሲውም ሆነ በተለያዮ የሀላፊነት ቦታዎች በመመደብ አገራቸውን በሚገባ አገልግለዋል ።

ሀዲስ አለማየሁ በርካታ የታተሙና ያልታተሙ ስራዎች ነበራቸው ።

*ፍቅር እስከመቃብር
* ወንጀለኛው ዳኛ
* የልምዣት ከዋና ዋና ሥራዎቻቸው ተጠቃሽ ናቸው ።

ስመ ጥሩ አርበኛ ፣መምህር ፥ አምባሳደር፥ ሚኒስትርና የሥነ ጽሑፍ ሰው ክቡር ዶክተር ሀዲስ አለማየሁ ህይወታቸው ያለፈው ከዛሬ 13 ዓመት በፊት በዛሬዋ እለት ኅዳር 27ቀን 1996 ዓ.ም. ነበር።