አሁንስ በቃ ……..ትግሉ ተቃዉሞው ይቀጥላል ….. ግርማ ካሳ

አሁንስ በቃ ……..ትግሉ ተቃዉሞው ይቀጥላል ….. ግርማ ካሳ

በሕወሃቶች ጌታቸው አሰፋና ሶሞራ የኑስ በቀጥታ የሚታዘዙ የአጋዚ ወታደሮች ይህ አይነቱን ግፍና ጭካኔ እየፈጸሙ ነው። ይህ መቆም አለበት። ጣሊያን በህዝባችን ላይ ካደረሰው ስቃይ የበለጠ ስቃይ የምንቀበልበት ምንም ምክንያት የለም። ይህ ግፈኛ ስርዓት ለአንዴና ለመጨረሻ ጊዜ በቃህ ልንለው ይገባል።

ይህ ስርዓት ህዝብን የናቀ፣ ዜጎችን በዘር የከፋፋለ ዘረኛ የሆነ፣ በጭካኔ የተሞላ፣ የዜጎችን ደም እንደ ዊስኪ የሚጠጣ የተረገመ ስርዓት ነው። ይህ ስርዓት እንዳንግባባም እንዳንስማማ፣ ትግሬ አማራ፣ ኦሮሞ እያልን እንድንከፋፈል ያደረገ ነው። ጥቂቶችን ቱጃር ሚሊየነሮች አደርጎ ሌሎቻችንን ያደኸየ ነው። ከመሬታች፣ ከቃያችን በጫካኔ ያፈናቀለ ነው።

እንግዲህ ይህን አይነት ሰይጣናዊና ጨካኝ ተግባራትን የሚፈጽምን እንዴት ልንታገስ እንችላለን ? በጎንደር የተጀመረው ይቀጥላል። በኦሮሚያ፣ በባህር ዳር ፣ በደብረ ታቦር ሰልፎች ይደረጋሉ።፡የሕዝብ ሃይል ያሸንፋል።