የቻይናው ኩባንያ በቢሾፍቱ የሚገኘው የአህያ ማረጃ መዘጋቱ አበሳጭቶኛል አለ

ከኢትዮጵያ ባህል እና አስተምህሮ ባፈነገጠ መልኩ በኢትዮጵያ የተከፈተው የአህያ ማረጃ ማዕከል መዘጋቱ እንዳበሳጨው የቻይናው ኩባንያ ገለጸ፡፡ የአህያ ማረጃውን በባለቤትነት ሲያስተዳድር የነበረው እና ሻንዶንግ ዶንግ የተባለው የቻይና ኩባንያ የቢሾፍቱ አስተዳደር ማረጃ ማዕከሉን በመዝጋቱ ጉዳዩን ወደ ፍርድ ቤት ለመውሰድ ጭምር እንደሚፈልግ መግለጹን ፎርቹን ጋዜጣ አስነብቧል፡፡ ኩባንያው በማዕከሉ ላይ የተወሰደውን እርምጃም በጥሞና እየተከታተለው እንደሚገኝም ከጋዜጣው ዘገባ ለመረዳት ተችሏል፡፡

___________________________
በየቀኑ 200 መቶ አህዮችን በማረድ ለውጭ ገበያ ሲያርቀብ የነበረው የቻይናው ድርጅት፣ ስጋውን ወደ ቬትናም ቆዳውን ደግሞ ወደ ቻይና ሲልክ እንደነበር ተነግሯል፡፡ እንዲህ ያለው አጸያፊ ስራ በኢትዮጵያ ውስጥ መከናወኑ ያበሳጫቸው ኢትዮጵያውያን በቢሾፍቲ የሚገኘው የአህያ ማረጃ ቄራ እንዲዘጋ ተቃውሞ ሲያሰሙ መቆየታቸው ይታወቃል፡፡ ከፍተኛ ጫና ሲደረግበት የቆየው በኦሮሚያ የቢሾፍቱ ከተማ አስተዳደር ማዕከሉን መዝጋቱን በይፋ ተናግሯል፡፡ የክልሉ አስተዳደር የአህያ ማረጃ ማዕከሉ መዘጋቱን ቢናገርም፣ ዜናው ግን እስካሁን ድረስ ጉዳዩ በሚመለከታቸው የፌደራል መንግስቱ መስሪያ ቤቶች እና የዜና አውታሮች አልተገለጸም፡፡