ሰበር_ዜና …. አዲሱ ለገሰ …በረከት ሥምኦን…አቡሃይ ፀሃየ ከወልቃይት ሽማግሌወችንና ካህናትን ባህርዳር በሆቴሎች ሰብስባ አደረጉ

ገብርየ ገብርየ

ህወሃቶች አሁንም ባንዳው ብአዴንን በመጠቀም ወልቃይት ላይ አላርፍ ብለዋል። ባላፈው ሀሙስ ለት ጀምሮ የወልቃይት ሽማግሌወችንና ካህናትን ባህርዳር በሆቴል ብሉናይል አባንቲ ሪዞርት ሰብስበዋቸው ነበር። ሰብሳቡወቹም አዲሱ ለገሰ …በረከት ሥምኦን…አቡሃይ ፀሃየ እና ሌሎችም የህወሃት አመራሮች ናቸው። ሽማግሌወቹንና ካህናቱንም ደረጃ አንድ መኝታ ክፍል በመያዝ፤ የተለያዩ ሥጦታወችን እና ልዩ ልዩ መደለያወችን በመስጠት ሊያባብሏቸው ቢሞክሩ ሊሣካላቸው አልቻለም። ገዳዮቹ እነበረከት ስምኦንም ስለ ኢትዮጵያ ታላቅነት እየሠበኩ የወልቃይቴወችን አንጀት ለመብላት ሞክረዋል። ትንታጎቹ ወልቃይቴወች ግን ” አማራነት እየጠፋ ምን ሚሉት ኢትዮጵያዊነት ነው? ትግሬ የበላይ ሆኖ በዘር ቦለቲካ አገር እየጨፈጨፈ ምን ሚሉት አንድነት ነው? አማራ ነን ሥንል ትግሬ ናችሁ እየተባልን በግድ የዘር እንክርዳድ እየተደፋብን ሥለምን ኢትዮጵያዊነት ነው ምትሠብኩልን? የታለች ኢትዮጵያ…ከሁሉም በፊት አማራነታችን ይከበር” ሲሉ በወኔ እና በድፍረት መልሠውላቸዋል። ይልቅ ከወልቃይት ያመጡትን ሽመላቸውን እያማቱ ወልቃይትን ትግሬ ሊያደርጓት ቢሞክሩ ዘላለማዊ የማያባራ ጦርነት እንደሚሆን ከትልቅ ዛቻ ጋር የተናገሩ ሲሆን በመጨረሻም ለአንድ ሣምንት ይቆያል የተባለው ሥብሠባ በወልቃይት አማሮች እምቢተኝነት በዛሬው ለት ተቋርጦ ቀርቷል

ወያኔ አማሮቹን መቀሌ ላይ አፍኖ በመደብደብ ምን የፖለቲካ ትርፍ ለማግኘት አሰላ?

 ሸንቁጥ አየለ

May 16, 2017 |      

መግቢያ
———
መጀመሪያ መግባባት ያለብን ነጥብ አለ::አሁን አማሮቹን የሚደበድባቸዉ እና የሚያስደበድባቸዉ ማን ነዉ በሚለዉ ጥያቄ ላይ መግባባት ያስፈልጋል::ከጥቂት ወራት በፊት የኦሮሞ ተጫዋቾችን ባህርዳር ላይ በአማራ እንደተደበደቡ አድርጎ ድራማ የሰራዉ ወያኔ መሆኑን በወቅቱ ብዙ ወገን አብራርቶ አቅርቦታል:: በዚያዉ ጉዳይ ላይ እኔም አንዲት አጭር ጽሁፍ አቅርቤ ነበር::

ወያኔ ሳያዉቅ አንዳችም እንቅስቃሴ በሀገሪቱ አትከናወንም:: በሜዳም ሆነ በጓዳ:: ለምሳሌ ዶ/ር ነጋሶ ጊዳዳ አንድ አስገራሚ ምስክርነት ሰጥተዋል:: በ1984 ዓም ወያኔ በአርሲ: በሀረር እና በመላ ሀገሪቱ ላይ ይታረዱ: ይፈጁ እና ይፈናቀሉ የነበሩ አማሮችን የገደላቸዉና ያፈናቀላቸዉ ኦነግ  ብቻዉን ነዉ እያለ የነዛዉን ፕሮፖጋንዳ ዶ/ር ነጋሶ ጊዳዳ ከወያኔ ፕሬዝዳንትነት ሲባረሩ እዉነቱን ፍርጥ አድርገዉ አዉጥተዉታል:: እሳቸዉ እንዳብራሩት ” አማሮቹን የፈጃቸዉ ኦነግ ብቻ ነዉ የሚባለዉ ሀሰት ነዉ::”

ሲያብራሩም “የኢህአዴግ ሰራዊት አማሮቹን በማፈናቀል: በመግደል እና በመረሸን ዋናዉ ተዋናይ ነዉ::በዚህ ሂደትም ዉስጥ እኔም እራሴ ስለነበርኩበት ስላጠፋሁት ጥፋት ይቅርታ እጠይቃለሁ::ሀላፊነቴንም እወስዳለሁ” ሲሉ አብራርተዉ ነበር:: ወያኔ አሁን ድረስ የሚያናፋዉ አማሮቹን ኦነግ ብቻዉን እንደገደላቸዉ ነዉ::ሆኖም ለኦነግ መመሪያዉን የሰጠዉ: አማሮቹንም ከቦ በመጨፍጨፍ ዋናዉን ስራ የሰራዉ ወያኔ እራሱ ነዉ::በወቅቱ የሀገሪቱ ፕሬዝዳንት የነበሩ ሰዉ ቁልጭ አድረገዉ መስክረዋልና::

ወያኔ ሳይፈቅ እና ሳያዉቅ አንዳች ነገር በኢትዮጵያ ጥላ ስር አይደረግም:: በደቡብም: በምስራቅም: በጦር ሜዳም: በፍጅትም: በሰላምም ሆነ በኳስ ሜዳ ወያኔ ሳያስተባብረዉ እና ሳያቅደዉ ብሎም ሳያጸድቀዉ የሚከናወን አንዳች ነገር የለም:: ግን ጥያቄዉ ለምን? የሚል ነዉ::ወያኔ ከአማሮቹ መገፋት: መፈናቀል እና ስቃይ ምን ያተርፋል? የሚል ነዉ::

ወያኔ እንደ ወያኔ ለመቀጠል ከፈለገ ይሄን ከማድረግ የተሻለ ሌላ አማራጭ የለዉም:: እንዴት?

ወያኔነት በሶስት ዋና ዋና ምሰሶዎች ላይ የቆመ ነዉ::

1. ጸረ አማራነት: ጸረ የአማራ መደብ እና አማራነትን የመታገል ምሠሶ
ወያኔ በ1968 ዓም የቀረጸዉ ማኒፌስቶዉ ብቻ ሳይሆን የኢትዮጵያን መንግስት ሲቆጣጠርም የቀረጸዉ ህገመንግስትም በዋናነት የሚያጠነጥኑት ጸረ አማራነት: ጸረ የአማራ መደብ እና አማራነትን የመታገል ምሠሶ ላይ የቆመ ነዉ:: ይሄ መርህ ደግሞ እንዲህ በቀላሉ በወያኔ ደጋፊዎች እና አባላት ዉስጥ አይሰርጽም::ትግሉ ከጸረ አማራነት: ከጸረ የአማራ መደብ እና አማራነትን ከመታገል ጋር ነዉና ዋና የወያኔ ህልዉና የተንጠለጠለዉ በዚችዉ ስትራቴጅ ላይ ነዉ::

በዋናነትም አማራዉ በአባቶቹ ሀገር ኢትዮጵያ ላይ ወራሪ ነዉ ተብሎ እንዲፈረጅ የሚያስችል ህገመንግስት መቀረጹ እና አማራዉን ሙሉ ለሙሉ በጠላትነት የፈረጀ ስትራቴጅ በሀገሪቱ መቀረጹ አንዱ ነዉ::  ለምሳሌ አንድ የዋህ በ1998 ዓም እነ ተፈራ ዋልዋ እና እነ አዲሱ ለገሰ በሚመሩት የህገመንግስት ዉይይት መድረክ ላይ አንድ ጥያቄ ጠዬቀ::”ለምን መሬት የህዝብ አይሆንም? መንግስት መሬት የህዝብ ቢሆን ምን ይጎዳል?” አቶ ተፈራ የሚባለዉ ሰዉዬ ለዚህ ጉዳይ መልስ ሲሰጥ በጣም እርግጠኛ እና ፈጣን ሆኖ ነበር::”እኛ ህገ መንግስታችንን የጻፍነዉ አማራዉ ወደ ስልጣን ተመልሶ እንዳይመጣ በሚያስችል መልኩ ነዉ:: አሁን ለምሳሌ መሬት የህዝብ ይሁን ብንል በከተማ የሚኖርዉ ገንዘብ ያለዉ አማራ እንዲሁም ብር በጁ ላይ ያለዉ ጉራጌ መሬቱን እየገዛ ሀብታም ይሆንን እና መልሶ በሂደት ወደ ስልጣን ይመጣል::” አቶ ተፈራ ዋልዋ የሚባለዉ ሰዉዬ በእርግጠኝነት ለዚያ የዋህ ሰዉ መለሰለት::

እናም ከህገመንግስት እስከ ማኒፌስቶ ብሎም እስከ እያንዳንዱ ድርጊት የሚወሰደዉ እርምጃ ጸረ አማራነት: ጸረ የአማራ መደብ እና አማራነትን የመታገል ምሠሶ የሚሉትን እስትራቴጅ በሚያረጋግጥ መልክ  ነዉ:: ይሄ ስትራቴጅ በደጋፊዎቹ ዘንድ አሁንም እየተተገበረ መሆኑን ለማስታወስ ልዩ ልዩ ተግባራት ይተገበራሉ::የኳስ ሜዳዉ እርምጃም አንዱ ነዉ::ደጋፊዎቹ እንዳይዘናጉበት::ልባቸዉ ከጸረ አማራ ትግል እንዳያርፍበት::

2. ኢትዮጵያዉያን አብረዉ እንዳይቆሙ ማረጋገጥ እና ጸረ ኢትዮጵያዊነት ስትራቴጅን አስፋፍቶ ማራመድ

ወያኔ ኢትዮጵያዊነት እርሱን ካልጠቀመዉ አፈር እንዲበላ የወሰነዉ ከ1968 ዓም ጀምሮ ብቻ ሳይሆን ቀደም ባሉት የቀዳማይ ወያኔ እና ሁለተኛዉ ወያኔ እንቅስቃሴዉ ጭምር ነዉ::ህዝባዊ ወያኔ ሀርነት ትግራይ ብሎ ሲወስን የትግራይ ህዝብ መገንጠል እናዳለበት : ኢትዮጵያም መፈራረስ እንዳለበት የወሰነዉ ከ1968 ዓም ማኒፌስቶዉ በፊት ነዉ:: እናም ኢትዮጵያዉያን አብረዉ እንዳይቆሙ ማረጋገጥ እና ጸረ ኢትዮጵያዊነት ስትራቴጅን አስፋፍቶ ማራመድ ዋናዉ የወያኔ የቤት ስራዉ ነዉ::ኢትዮጵያዉያን የማይግባቡበት ታሪካዊ እርምጃ እየተጠና ይተገበራል::ህዝቡ እንዲቃቃር እና እርስ በርሱ በጥርጣሬ እንዲተያይ ወያኔ ሳያሰልስ ይሰራል:: ይሄ አስተሳሰብ እንዳይዘነጋ በህዝቡ መሃከል በርካታ ተንኮሎች እየተገመዱ ይተገበራሉ::አሁን የተድረገዉም ይሄዉ ነዉ:: ጎንደር ላይ አማሮች ያልነኩትን የትግራይ ማህበረሰብ ወያኔ እራሱ አንዳንድ አርምጃዎችን በመዉሰድ አማሮች የትግራይን ህዝብ አጠቁ የሚል ፕሮፖጋንዳ በመንዛት በሁለቱ ማህበረሰብ መሃከል አስተማማኝ የጥላቻ ድልድዩ አሁንም እንደቆመ ማስረገጫ ጊዜአዊ ስትራቴጅ ወስዷል:: በዚያዉም አሳቦ የትግራይን ተፈናቃዮች ካስኳችሁ እኔ ከሌለሁ ትግሬ አለቀልህ በሚል ፕሮፖጋንዳ የትግራይን ህዝብ በጥቅሉ ከጀርባዉ ማሰለፉን የዳሰሳ ጥናት አድርጎበታል::

3. በማህበረሰቦች መሃከል ቋሚ የሆነ የጥላቻ ሀዉልት መስራት

ወያኔ በጣም እርግጠኛ መሆን የሚፈልገዉ የትግራይ ህዝብ ከቀሪዉ ኢትዮጵያ መነጠሉን ነዉ::ለዚህም ወያኔ ለትግራይ አዲስ ታሪክ ጽፏል:: ለምሳሌ በወያኔ አባባል የኢትዮጵያ ጥንታዊ ታሪክ: የአክሱም ታሪክ እና የቀደሙ ነገስታት ታሪክ በሙሉ አማራ የፈጠራቸዉ ተረት ተረት ናቸዉ::በወያኔ አስተምሮት መሰረት አማራ የትግራይን ህዝብ ታሪክ ነጥቆ እንጅ አማራዉና ትግሬዉ የጋራ መሰረታዊ ታሪክ የላቸዉም::ወያኔ እንደሚሰብከዉ አማራ የሚባለዉ ህዝብ መጤ ሲሆን ከትግራይ ህዝብ ጋር ምንንም አይነት ታሪካዊ ትሥር የለዉም::በወያኔ የሀሰት ታሪክ መሰረት አማራዉ የሁሉም ኢትዮጵያዉያን ብሄሮች ጠላት ሲሆን ሁሉ ብሄረሰብ ሊያጠፋዉ ይገባል::ይሄ ብቻ ሳይሆን የትግራይ ህዝብ ከሌሎች ኢትዮጵያዉያን ብሄሮችም ጋር ምንም አይነት የታሪክ ትስሥር የለዉም::በወያኔ ፍልስፍና መሰረት ኢትዮጵያ መበታተን ሲኖርባት መበታተን የሚኖርባት የጎሳዎች ስብስብ ነች:: የወያኔ ህገመንግስት አንቀጽ 39 የዚሁ አስተሳሰብ መገለጫ ነዉ::እናም ወያኔ በዋናነት በየወቅቱ በሚተገብራቸዉ ስትራቴጅዎቹ ማረጋገጥ የሚፈልገዉ ልዩ ልዩ ማህበረሰቦች እርስ በርሳቸዉ በጥላቻ መተያዬታቸዉን ሲሆን በዋናነትም የትግራይ ህዝብ ከወያኔ ጉያ እንዳያመልጥ አስተማማኝ ስልት መቀዬሱን ነዉ::

እና ኳስ ሜዳ ለምን ? አሁንስ ምን ለማግኘት ነዉ?
———————
ወያኔን ሆነን ስናስበዉ በዚህ የአማሮች በመቀሌ መደብደብ ወያኔ ብዙ ያተርፋል:: ይሄዉም
1. አማራዉ እና የትግራይ ህዝብ በአስተማማኝ መነጣጠላቸዉን ማረጋገጥ አለበትና እያደረገ ነዉ
2. የትግራይ ህዝብ አሁንም በወያኔ የሀሰት ስብከት እንደተማረከ እንዲቀጥል የአማራን የጠላትነት ስብከት መልሶ ማደስ አለበት:: በዚህም የትግራይ ፖለቲከኞች እና ምሁራን በአንድ በመሰባሰብ ከወያኔ ዉጭ አማራጭ የለንም የሚለዉን ድምዳሜያቸዉን በማደስ ከወያኔ ዙሪያ እንዲቆሙ ማድረግ ይቻላል
3. እያንዳንዱ ብሄረሰብ በአስተማማኝ መለያዬቱን እርገጠኛ መሆን ይፈልጋል::ለምሳሌ ወያኔ የራሱን ካድሬዎች በባህርዳር እግር ኳስ ሜዳ አሰማርቶ ኦሮሞዎቹን ተጫዋቾች በመደብደብ አማራ ደበደባቸዉ በማለት የኦሮሞ ህዝብ እና የአማራ ህዝብ መለያየቱን ማረጋገጥ ነበረበት::

ሌላዉ ማሳያ አዲስ አበባን ሆን ብሎ ለኦሮሞ ብቻ እንደሆነች የሚያሳይ አዋጅ ነገር በጎን ለቆ ሌሎች የኢትዮጵያ ማህበረሰቦች እና ኦሮሞዉ እንዲጠላሉ: እንዲጨቃጨቁ እና የጎሪጥ እንዲተያዩ ብሎም ከተቻለ እርስ በርስ እንዲጫረሱ የተራቀቀ የቤት ስራዉን እየሰራ ነዉ::በተመሳሳይም በአሁኑ ሰዓትም በርካታ የኦሮሚያ ክልል ወረዳዎችን ለሶማሌ በመሰጠት ሶማሌዉ እና ኦሮሞዉ ከፍተኛ ጥላቻ እና ፍጥጫ ዉስጥ እንዲገቡ እየሰራ ነዉ::ወያኔ አንድ ነገር ማረጋገጥ አለበት::ይሄዉም ሌሎች ማህበረሰቦች እርስ በርሳቸዉ ስለመፋጠጣቸዉ እርግጠኛ መሆን::

4. አቅጣ ማስቀዬሻ አጀንድዳዎችን በጭካኔ እና በድፍረት ይተገብራቸዋል:: ወያኔ አንድ ልዩ ችሎታዉ ማንኛዉንም ጨካኝ እና ደፋር አቅጣጫ ማስቀየሻ ስትራቴጂ እና ታክቲክ ያለማወላወል መተግበሩ ነዉ::በአሁኑ ወቅት በህዝባዊ አመጽ ተቀስፎ የተያዘዉ ወያኔ አስተማማኝ የአቅጣጫ ማስቀዬሻ መፈለግ እንዳለበት ያዉቃል::በተለይም የአማራ ወጣቶች ማህበራዊ ሚዲያዉን በመቆጣጠር ወያኔን በስነ ልቦና ጦርነት መተንፈሻ እያሳጡት ነዉ::

ይሄም ወያኔን አስጨንቆታል ብቻ ሳይሆን አሳስቦታል::ስለዚህ የሆነ የቤት ስራ መስጠትና ከመሰረታዊ ጉዳዮች ይልቅ ወቅታዊ ጉዳዮች ላይ ትኩረት እንዲደረግ ይፈልጋል::በዚሁም የትግራይ ወጣቶች በሙሉ ጉልበታቸዉ ከአማራ ወጣቶች ጋር ግብ ግብ እንዲገጥሙለት ፈልጓል::ለምሳሌ በተመሳሳይ ሁኔታ በአማራ ተጋድሎ እና በኦሮሞ ተቃዉሞ መሀከል የመግባባት ዝንባሌ በታዬበት ጊዜ እና ወያኔ በተወጠረበት ወቅት ኦሮሞዎቹን እራሱ ወያኔ ባህርዳር ላይ በካድሬዎቹ በማስደብደብ አማራ ደበደባችሁ በማለት የሀሰት ወሬ ሲነዛ በርካት አማራ እና ኦሮሞ ታጋዮችን አቅጣጫ በማስቀዬስ የርስ በርስ ጭቅጭቅ ዉስጥ እንዲገቡ አድርጓቸዉ ነበር:: ወደ አንድ ሊመጣ እያቅማማ የነበረዉም ትግል በዚህ ወቅታዊ የወያኔ ማስቀየሻ ስልት እንዲሁም የኦነግ ሰዎች ኢትዮጵያን እንበትናታለን ብለዉ ይዘዉት የመጡት አጀንዳ የአማራዉን እና የኦሮሞዉን መግባባት ድራሹን አጥፍቶ ለወያኔ በቂ እፎይታ ሰጥቶታል::

ወያኔ ሞኙ ተንኮል አማኙ?
———–

የሆኖ ሆኖ የወያኔ ደባ እና ተንኮል እራሱን ወደ መቀመቅ የሚከት እንደሆነ በርካታ ማስረጃዎችን ማቅረብ ይቻላል::አሁንም አማሮቹን ተጫዋቾች መቀሌ ላይ በመክበብ የደበደበበት እና ያስደበደበት የተንኮል ስልቱ እራሱን ወያኔን የሚበላዉ ይሆናል::በአጭሩ ወያኔ ሞኙ ተንኮል አማኙ ብሎ መዝጋት ይቻላል::ጥበብ እና ማስተዋል: ህዝባዊ ፍቅር እና ሁል አቀፍ ህዝባዊነት ከወያኔ ልብ የተነጠቀች ናትና የወያኔ መነሻዉም : መድረሻዉም ያችዉ ተንኮሉ ነች:: ይህች ተንኮሉ ግን እራሱን ትበላዋለች:: በሀዋርያት አንደበት እንደተባለዉም
”
አንተ ተንኰል ሁሉ ክፋትም ሁሉ የሞላብህ፥ የዲያብሎስ ልጅ፥ የጽድቅም ሁሉ ጠላት፥ የቀናውን የጌታን መንገድ ከማጣመም አታርፍምን? (ሐሥ. 13: 10) ” ተብሎ ቢገሰጽም ወያኔ ከተንኮሉ ጋር እስኪጠፋ ከቶም አያርፍም::

በኢትዮጵያ ህዝብ መሀከል አንገትህን ቀና አድርገህ የኢትዮጵያን ህዝብ ወደ መጨረሻዉ የመጠፋፋት ጠርዝ ለመዉሰድ የተሰለፍክ የዲያቢሎስ መንፈስ እና የዲያቢሎስ ፈረሶች ሁሉ በጌታችን በኢየሱስ ክርስቶስ መንፈስ እና ሀይል የተመታችሁ ሁኑ:: የእግዚአብሄር ስዉር ጣት እናንተን ቀድማ ታጠፋለች እንጅ  የኢትዮጵያ ህዝብስ ወደ እርስ በርስ መጠፋፋት አይገባም !

የኢትዮጵያ ህዝብ ሆይ አይዞህ ! የተሰበረ ልብህን እግዚአብሄር ይጠግነዋል !

አዎ! አማራ ተኝተሃልና በመቀሌ ከተማ በልጆችህ ላይ የተፈጸመው ግፍ ይገባሃል!

    (አድማሱ በጋሻው)

May 15, 2017 |           Posted by: ዘ-ሐበሻ

     

በመጀመሪያ በመቀሌ  የእግር ኳስ ጨዋታ  በባህር ዳር ከተማ ተጫዋቾች ላይ  ግፍ ሲፈጸምባቸው  የሚያሳየውን ፎቶ  በአይነ ህሊናዎ ይመልከቱ!
አዎ! አማራ ትዕግስትህ ከሚገባው በላይ ሆኖ ወደ ፍርሃት አድጓልና   ይህ በአለቆችህ   ልጆች በልጆችህ ላይ የተፈጸመው ዱላ ሲያንስ ነው! ለነገሩ በፎቶ ላይ ተጫዋቾቹ ሲደበደቡ ስላየን  ተቃጠልን   አንጅ በየአስር ቤቱ  ቄራ ግቢ  ውስጥ  ቁልቁል  ተዘቅዝቆ እንደሚታረድ በግ እየታረዱ ያሉትን ልጆችህን መቸ ደረስክላቸው?  በአጋዚ ወታደር በየቤትህ እየገባ ሲፈልግ አንተን፤ ሲፈልግ ልጅህንና  ሚስትህን ሲደበደብና ሲገድል መቸ  ሆ! ብለህ ተነሳህ?
እናት አባቶችህ ያስረከቡህን ፤ የወንድሞቸህ  እና አባቶች አጸም ያረፈበትን ዳር ደንበር ህወሐት ትግሬ   የሚፈልገውን ያህል ለራሱ  ዘርፎ  የተረፈውን ለባዕድ ሀገር ሲሰጥ መቸ በጋራ በቃ ብለህ ተነሳህ!  ለወደፊቱ እንዳይራቡና እንዲመክኑ በየጤና ጣቢያው በክትባት ስም ህወሓት ልጆችህን   ሲያመክናቸው መቸ በቃኝ አልህ?
ወገንህን በወያኔና  በአጋሮቹ ከቀያቸው ሲባረሩ፤ አይናቸው እያየ ወደ ጉድጓድ ሰወረወሩ፤ እርጉ ሴት እህቶችህ እና  ልጆችህ   ሆድ እቃቸው   በቢለዋ  ተተርትሮ  ጽንሳቸው ሲወጣ  ከዚህ በላይ ውርደት የለም ብለህ  በጋራ መቸ ተነሳህ?  በደል መቸ በቃህ?  በባህርዳር፤ ከተማ የልጆችህ ደም እንደጎርፍ ሲፈስ ከዚህ በላይ ሌላ ግፍ ማስተናገድ አልችልም  ብለህ  ለፃነትህ መቸ  ቆርጠሀ በጋራ ተንቀሳቀስህ?
አመራ  ከእንቅልፉ በቶሎ  ተነስቶ  በአንድ ላይ ባንዳወች አይቀጡ ቅጣት እስካልቀጣ ድረስ  ሊከሰተ የሚችለው ግፍ እጅግ ዘግናኝ እንደሚሆን መጠራጠር አይኖርበትም፤ ለዚህም ኃላፈነቱ የእያንዳንዱ አማራ ተወላጅ ነው፤ ከአሁን በኃላ ነፃነት እያንዳንዱ አማራ በሚከፍለው ዋጋ የሚገኝ እንጅ ከዳር ቆሞ በመመልከት ሊገኝ የማይቻል  መሆኑን ልንረዳ ይገባል፡፡
አዎ! የዋንዛ ልጅ ጉል እንደሚባለው ሆኖ ነው እንጅ  እንዴት የቴዎድሮስን፤ የሚኒልክንና የአባ ኮስትር ባለይን ልጆች  የባንዳ ልጆች መጫወቻ ይሆኑ  ነበር?
ይህ በመቀሌ የተፈጸመው  የማነ አለብኝነትና ወራዳ ተግባር  በስፖርት ሚዳ ላይ ሁሌ እንደሚከሰተው የስፖርት ስነ– ምግባር ጉድለት ተብሎ የሚታለፍ አይደለም፡፡ ጉዳዩ  የፖለቲካ ጉዳይ ነው፤ ጉዳዩ የብሄረ ጉዳይ ነው፡፤ በጨዋታው ላይ የተነሱት ዘረኛ  ስድቦች  የሚመሰክሩት ይህን ነው፡፡ ችግሩ እንደ ማነኛውም  በስፖርት ላይ እንደሚከሰቱ ችግሮች ቢሆን ኑሮ የመቀሌው መንግስት ተጫወቾቹ መደብደባቸው ሳያንስ ይቅርታ ጠይቁ አይልም ነበር፡፡ ጉዳት የደረሰበትን የባህርዳር ከተማ ተጫዋች  የቀይ መስቀል ሰራተኞች (ልብ በሉ የቀይ መስቀል ሰረተኞች) ወርውረው በግፍ መሬት ላይ አይጥሉትም ነበር፡፡ የዘር ጉዳይ ባይሆን ኑሮ ሆስፒታል ውስጥ  ለተጎዱ የባህርዳር ከተማ  ተጫዋቾች የህክምና እርዳታ እየሰጠ የነበረውን የአማራ ብሄር ተወላጅ( አስተውሉ ይህን ተግባር   ከህክምና ስነ ምግባር ጋር)   አፍነው አይወስዱትም ነበር፡፡
ይህ ማለት ትግሬ የሆነ የህክምና ሰራተኛ ሁሉ የተጎዱ የባህርዳር እግር ኳስ ተጫዋቾችን ለመርዳት ፈቃደኛ አልነበርም፤ ከነሱ ውጭ ሌላ ሀኪም  የተጎዱ ተጫዋቾችን እንዲረዳ አይፈልጉም ነበር ማለት ነው፡፡  ታዲያ  እንዲህ ያለውን ዘርኝነት በናዘ መነጸር ካልሆነ በስተቀር በምን ሊገለጽ ይችላል? ከዚህ አሳዛኝ ክስተት ጋር አያይዘነ ስናየው ከዘረኛ አስተሳሰብ ነፃ የሆነ ትግሬስ አለ ማለት ይቻላል?
 አዎ! ለዚህ  የህወሓትና  የደጋፊዎቹ  እብሪት ዋናው ምክንያት የአማራ መተኛት ነው፡፡ስለሆነም መሳረጊያየ፤  አዎ!  አማራ አሁንም እንደተኛህ  ነውና  ትልቅ የውርደት ካባ ይጠብቀሃል ነው፡፡

ዘረኝነት – የሐይማኖት መሪዎች መለዮ

በዮሴፍ ሙሉጌታ ባባ*
በምድረ ኢትዮጵያ ዘረኝነት የሚሉት ወረርሽኝ ከምንም ጊዜ በላይ ስርጭቱ በከፍተኛ ሁኔታ እየተስፋፋ መምጣቱ የአደባባይ ምስጢር ነው። በተለይ በአሁኑ ጊዜ አንዳንድ ሰዎች ያለ ምንም በቂ ምክንያት አንድን ሕዝብ ወይም ብሔር አብዝተው የሚጠሉበት ሁኔታ በግልጽ እያየንና እየሰማን እንገኛለን። እንድህ ዓይነቱን ኃላ-ቀር እና የወረደ አስተሳሰብ አጥብቀን መዋጋት ይኖርብናል። ምላሱን አዳጠው መሰለኝ የሆነ ቀን አንድ ሰውዬ፡-
‹‹እነኝህ ለማኝ ትግሬዎች ችግር አለባቸው!›› ስል በገዛ ጆሮዬ ሰምቼ ኖሮ፤

‹‹ችግር ያለው ትግሬ፣ ካምባታ፣ ኪኩዩ፣ ኦሮሞ፣ ዶርዜ፣ አማራ፣ ሃድያ፣ ጉራጌ፣ ሉዎ፣ አሻንቲ….አይደለም! ችግር ያለው የሰው ልጅ ራሱ ነው፤ የሰው ልጅ ራሱ ለራሱ ጥያቄ ነው፤ ጭፍን ጥላቻ የበለጠ ያራርቀናል እንጅ የትም አያደርሰንም! የጥቂት ሰዎች ድርጊት የአንድ ብሔር ማንነት መገለጫ ሊሆን አይችልም፤ ለምሳሌ፡- አማራ—ነፍጠኛ፣ ኦሮሞ—ወራሪ፣ ጉራጌ—አጨበርባሪ…ወዘተ እያሉ ሕዝቡን ግራ የሚያጋቡ ሰዎች አሉ፤ አንድን ሕዝብ ስብናውን መወረፍ አግባብነት የለውም፤ እናም የቅድመ-ጥቅላሎት ሕፀፅ ፈጽመሃል…››

አልኩት!
እንዳለጌታ ከበደ ይህንን ጉዳይ እንድ ስል ነበር የታዘበው፡-

‹‹አንዳንዱ የዚህ ትውልድ አባል- ከአባቶቻችን ሲወርድ ሲወራረድ በመጣው መሰረት ልበል?) የስድብ ሃብታም ነው፤ የሚተርበው ብሔር አያጣም፤ ሌላውን አሳንሶ አስጐንብሶ ካላሳየ እሱ ቀና ቢል እንኳን የሚታይ አይመስለውም፤ ልቡ በነቀፌታ የተሞላ ነው፤ አንዳች የስድብ መንፈስ-በየቤቱ- በየቤተመንግስቱ- በየቤተ ክርስትናውና በየቤተ እስልምናው ሰፍኗል፤ የሆነውን ብሔር ለይቶ፣ የሆነውን ወገን አግልሎ፤ ‹እኛ ካልተሳተፍንበት የልማት እስክስታው አይሰምርም፤ እኛ ካልደሰኮርንለት አምላክ ቸርነቱን አያዘንብም› ማለት የተለመደ እየሆነ ነው! ለመጪው ትውልድ ‹በደም› የሚመለስ የቤት ስራ እየተውን ያለ ይመስለኛል፤ የመጪው ትውልድ አባላት እኛ በመጣንበትም ሆነ አባቶቻችን በተመላለሱበት የመሰዳደብ መንገድ ባይሄድ እንመርጣለን፤ እኛ ፈትለንና ገምደን ያቆየነው፣ አለባብስን ያረስነው ነገር ነገ ከነገ ወዲያ ‹… ያልተዘጋ ፋይል አለ!› ብለው በጥይት ቋንቋ እንዲነጋገሩ መፍቀድ የለብንም- ሰርተን በቆየንላቸው መንገድ ደም እንዳያጐርፍበት፤ ሰርተን ባቆየንላቸው ተቋማት ስድብ እንዳይፈበረኩበት ጥንቃቄ ማድረግ ያሻል፡፡ አዎን፤ ሁላችንም ስድቦች ወደ መጡበት የሚመልስና ወደሚመለከተው ክፍል የሚያዘዋውር ጽ/ቤት በየህሊናችን ልናቋቁም ይገባል፤ አውቀንም ይሁን ሳናውቅ በብዙዎች ልቦና ላይ የማይታይ ቁስልና ሰንበር እንዲታተም አድርገናልና!››

ከሁሉም በላይ የሚያሳዝነው ግን የእግዝአብሔርን ሕዝብ እናገለግላለን የሚሉ የኀይማኖት አባቶች የችግሩ አካል በመሆን ‹ወንገልን› በ‹ወንጀል› ለውጦታል። እነኝህ ፈርሳዊያን እና የሕግ መምህራን ፓስታ እየበሉ ወይንም ቢራ እየተጐነጩ ይህንን ጉዳይ ፈጽሞ አይወያዩበትም ማለት አይቻልም፤ ጠንቅቀው ነው የሚያውቁት—የእኛ አድርባዮች! ነገር ግን፣ እስከ ዛሬ ድረስ ዘረኝነትን በግልጽ ለመተቸት አይደፍሩም። አንድ የኀይማኖት መሪ የወጣለት ዘረኛ ሆኖ እያሌ ዓይኑን በጨው ታጥቦ እንዴት ‹
‹እግዝአብሔር ፍቅር ነው›› በማለት ይሰብካል? ያሳፍራል እኮ! አንድ ቄስ ወይም ፓስተር በአጠገቡ ካለው ወንድሙ ጋር ሠላም ሳይፈጥር ‹‹የእኛ እግዝአብሔር የሠላም አምላክ ነው!›› ብሎ ክላሽ ማንጣጣት ነውር አይደለም እንዴ!? የጥምቀት ውሃ ከሰው ልጅ ባህል ‹በላይ› መሆኑን ያልተቀበለ/ያላመነ አንድ አገልጋይ ‹‹ሁላችንም በምስጢረ ጥምቀት የእግዝአብሔር ልጆች ሆነናል›› ብሎ ቤተ-መቅደስን ማጣበብ ስበዛ ሌብነት፣ ሲያነስ ደግሞ ድንቁርና ነው! ሌብነት ይብቃን አቦ!
ከዘረኝነት ጋር በተያያዘ በሃይመኖት ተቋማት ውስጥ ያለአግባብ መበልጽግ ባሕል ከሆነ ፤ የመልካም አስተዳደር እጦት ከተንሰራፋ ፤ የውሸት ባሕል ከነገሰ፤ አድሏዊነት፣ ጥላቻ፣ ዘረኝነት፣ ጨቋኝነት ሥር ከሰደደ፣ በገዳማት ውስጥ በሠላምና በፍቅር አንድ ላይ አብሮ መኖር ካልተቻለ፣ መደማመጥና መነጋገር ጠፍቶ መናናቅ ብቻ ከሆነ፣ የአብሮነት መንፈስ የሚባል ነገር ከጠፋ፣ ሥራ የሚከፋፈለው በዝምድና እና በዘር ከሆነ ቤተ-ክርስቲያንን የሌቦች ዋሻ ሆናለች ማለት ነው! 
ስለዝህ፣ ዘረኝነት በግልጽ መተቸት ያለበት ጉዳይ ይመስለኛል። ለምን ይዋሻል! ሕዝቡ ቆንጨራ እስከሚያነሳ መጠበቅ የለብንም! በሩዋንዳ ምድር በተደረገው የዘር ጭፍጨፋ የቄሶች (እኔ መቀሶች ነው ሚላቸው!) እጅ ነበረበት። በእርግጥ እነኝህ የኀይማኖት መሪዎች ትምህርት ቤት ተመላለሱ እንጅ አልተማሩም፤ መጽሐፍና ማንበብ የቻለ ሁሉ ‹ተምሯል› ማለት አይደለም! እንዴታ! የሰባት ዓመት የዩኒቨርስቲ ትምህርት የአንድን ሰው አስተሳሰብን ካልቀየረ እኮ የጭንቅላት ጥቅም ለ‹ቆብ› ብቻ ነው የሚሆነው! አርስጣጣልስ (Aristotle) ልክ ነበር— ‹‹ልብን ሳያስተምሩ ጭንቅላት ብቻ ማስተማር ዋጋ-ቢስ ነው!››
የሆነ ሆኖ አጐስቲን ካሬኬዝ (Augustine Karekezi) የሚባል አንድ ኢየሱሳዊ ቄስ (a Jesuit priest) የሩዋንዳውን አሳዛኝ ክስተት በምገርም ሁኔታ እንደሚከተለው አስፍሮ ነበር፡-

“My faith as a Christian has been affected seriousely, in the sense that I cannot realize that such evil could happen in a country where so many people are Christians and where there are so many Catholics, over sixty five perecent, with such influence in education. What have we been doing as Christians and as priests? How can we preach the love of God, the compassion of God, in this situation? All these questions derive from an experience of the deep mystery of evil, evil that is so consistent and so strong that its power is prevailing”

ስለዝህ፣ የሃይማኖት አባቶች ትልቅ ኋላፍነት አለባቸው! ሕዝቡ በቆንጨራ እየተጨራረሰ ዝም የሚትሉ ከሆነ፣ በፈጣሪና በሕግ ፊት ተጠያቅዎች ናችው። እምነትና ፀሎት ብቻ በቂ አይደለም። ሰይጣንም እኮ እግዚአብሔር የዘለዓለም ኗር መሆኑንና ታላቅ አምላክ መሆኑን ያምናል። ግን መልካም ሥራ የለውም፤ ከሥራ የተለየ እምነት የሞተ ነው! የእግዝብሔር ቃልም የሚላችው ይህንኑ ነውና፤ “ዓመት በዓላችሁን ጠልቼዋለሁ ተጸይፌውማለሁ፤ የተቀደሰውም ጉባኤአችሁ ደስ አያሰኘኝም። የሚቃጠለውን መሥዋዕታችሁና የእህሉን ቍርባናችሁን ብታቀርቡልኝም እንኳ አልቀበለውም፤ ለምስጋና መሥዋዕት የምታቀርቡልኝን የሰቡትን እንስሶች አልመለከትም።የዝማሬህንም ጩኸት ከእኔ ዘንድ አርቅ፤ የመሰንቆህንም ዜማ አላደምጥም። ነገር ግን ፍርድ እንደ ውኃ፥ ጽድቅም እንደማይደርቅ ፈሳሽ ይፍሰስ።” (አሞጽ 5፤ 22-24) ይህ ማለት፣ አንድም፣ የሚተሰብከውን ኑር እንጅ፣ ፈሪሳዊ አትሁን፤ ሁለትም፤ ‹‹ከመጠምጠም መልካም-ሥራ ይቅደም›› ማለት ነው። ‹‹ፂም በማሳደግ ቢሆን ፍየል ትሰብክ ነበር›› እኮ!!
አዎን! በኢትዮጵያ ምድር ውስጥ ውስጡን ዘረኝነት የሚሰብኩ ወይም የሚያቀነቅኑ ቀጣፊ ቄሶች አሉ፤ እንድ ዓይነቱን የአስተሳሰብ ሽርሙጥና ከወድው በቆራጥነት መዋጋት አለብን፤ አዎን! እነኝህ አስመሳይና አድርባይ ‹መቀሶች› እሳት ከሚተፋው የፍልስፍና ብእር ማምለጥ አይችሉም! እየተከታተልን እናጋልጣለን!
ሠላም፣ ፍቅርና አንድነት ለሀገራችን ኢትዮጵያ እያልኩኝ፣ በሃይለመለኮት መዋእል ግጥም ልሰናበታቸው!
ምን ጠቀመዉ ቃየል—የመሳሪያ ቋንቋ
ሰጠመ ጠፋ እንጂ—ባቤል ደም አረንቋ
መኢኑም አባተ—ሰመረ መረሳ
ኦቦንግ አብዱል ከሪም—ጋቸኖ ቶሎሳ
አብረኸት ምንትዋብ—ኛዳክም ጋዲሴ
በላህ በነብዩ—በሶስቱ ስላሴ
ሰይፉም ዶማ ይሁን—ሞርተሩም አንካሴ
*Yoseph Mulugeta Baba (Ph.D.) can be reached at:
kankokunmalimaali@gmail.com

በእነ ጉርሜሳ አያና ክስ ዙሪያ አዲስ መረጃ

 0  34  34


(ግንቦት 7/2009) እነ ጉርሜሳ አያኖ ለዛሬ ግንቦት 7/2009 ተቀጥረው የነበረው አቃቢ ህግ ባቀረበው የሰው፣ የሰነድ እና የድምፅ ከምስል ማስረጃዎችን መርምሮ ብይን ለማሰማት ነበር። ሆኖም መዝገቡን የሚያዩት የ4ኛ ችሎት ዳኞች መዝገቡን የመመርመር ስራ እንዳላለቀላቸው በመናገር ተለዋጭ ቀጠሮ ሰጥተዋል። የኢትዮጵያ ብሮድካስቲንግ ኮርፓሬሽን እንዲተረጉማቸው ከተላኩ የድምፅ ከምስል ማስረጃዎች ውስጥ በ11ኛ ተከሳሽ ላይ የቀረበው ተቆርጦ መቅረቱን የተቀሩት ግን ተተርጉመው መቅረባቸውን የገለፁት ዳኛው ትርጉሙ ተሟልቶ ቢቀርብም ኖሮ የምርመራ ስራውን ማጠናቀቅ እንደማይችሉ እንደነበር ተናግረው ለግንቦት 30/2009 ቀጠሮ ሰጥተዋል።
የአቃቤ ህግ ማስረጃዎች ተሰምቶ ካለቀ 4ት ወር የሆነው መሆኑን ጠቅሶ መዝገቡን የመመርመር ስራው ተጀምሮ ከሆነ ተጨማሪ 3ት ሳምንት መጠየቁ ሌላ አላማ ከሌለው በስተቀር ተገቢነቱ እንደማይታየው 1ኛ ተከሳሽ ጉርሜሳ አያኖ በችሎት ተናግሯል።
ዳኞችም መዝገቡ ሰፊ መሆኑን ተናግረው የይድረስ የይድረስ ሳይሆን በአግባቡ ተመርምሮ መሰራት እንዳለበት የገለፁ ሲሆን የቀጠሮውን ቀን ማቅረብ እንደማይችሉ ተናግረዋል። ከቀጠሮው በፊት የኢትዮጵያ ብሮድካስቲንግ ኮርፓሬሽን ተቆርጦ የቀረውን ትርጉም እንዲልክ ታዟል፤ እንዲሁም ተከሳሾች በቀረበባቸው ሰነድ ላይ ትችት(አስተያየት) ያላቀረቡ ካሉ ከቀጠሮው በፊት ማስገባት እንደሚችሉ ተነግሯቸዋል።
በተያያዘ ዜና አክቲቪስቱ እና የሰብአዊ መብት አራማጅ የሆነው ዮናታን ተስፋዬ ግንቦት 2/2009 ቀን ፍርድ ሊነበብለት ቀጠሮ ነበረው። በቀጠሮው መሰረትም ከፍተኛ ፍርድ ቤት 4ኛ ችሎት ቀርቦ የነበረ ሲሆን፤ ዳኞች መዝገቡን የመመርመር ስራ የተጀመረ መሆኑ ነገር ግን አጠናቀው አለመጨረሳቸውን ገልፀው መዝገቡን መርምሮ ፍርዱን ለማንበብ ተለዋጭ ቀጠሮ ለነገ ግንቦት 8/2009 ተሰጥቶታል።
ዜናውየተገኘው ከየኢትዮጵያ ሰብአዊ መብቶች ፕሮጀክት ነው::

የዐማራ ተማሪዎች ስቃይ በዓለማያ ዩንቨርሲቲ- ተማሪ ሀብታሙ ጌታቸው እንደማሳያ፤

May 15, 2017 – ቆንጅት ስጦታው   

የዐማራ ተማሪዎች ስቃይ በዓለማያ ዩንቨርሲቲ- ተማሪ ሀብታሙ ጌታቸው እንደማሳያ፤ (ብራና )

የዐማራ ተማሪዎች ስቃይ በዓለማያ ዩንቨርሲቲ- ተማሪ ሀብታሙ ጌታቸው እንደማሳያ፤
ተማሪ ሀብታሙ ጌታቸው ይባላል፤ ትውልዱና እድገቱ ከወደ ጎጃም ሲሆን የሁለተኛ ዓመት የሕግ ተማሪ ነው፤ ከዲፓርትመንቱ በውጤት እሱን የሚስተካከል ተማሪ የለም፡፡ ባለፈው ዓመት ጀምሮ ውጤቱን አስጠብቆ መሔዱ ያናደዳቸው ጠባብ ብሔርተኞች ከትምህርቱ እንዲሰናከል ወይም እንዲያቋርጥ ጥረት ማድረግ የጀመሩት ባለፈው ዓመት የመጀመሪያ ሴሚስተር ውጤት ከታየ በኋላ ነበር፡፡ ሀብታሙ የሚደርስበትን ትንኮሳና ዛቻ ከምንም ሳይቆጥር ትኩረቱን ትምህርቱ ላይ አደረገ፡፡
ግንቦት 2 ቀን 2009 ዓ.ም. ቤተ መጽሐፍት ሲያነብ ቆይቶ ወደ መኝታ ክፍሉ በመመለስ ላይ ሳለ አራት ከሳሽና መስካሪ ሊሆኑ የሚችሉ ወንጀል አቀናባሪዎች አብረውት መንገድ ጀመሩ፤ አንደኛዋ ሴት ናት፡፡ ሁለቱ በኤርፎን ሙዚቃ ያዳምጣሉ፤ አንደኛው ማዳመጫውን ነቅሎ ሙዚቃውን አስጮኸው፡፡ የሚሰማው የቴዲ አፍሮ አዲሱ ሙዚቃ ነበር፡፡ ከመካከል ሴቷ ልጅ ‹‹ስለምን የነፍጠኛ ዐማራ ሙዚቃ ታዳምጣለህ›› የሚል ሀሳብ ታነሳለች፤ አካሔዳቸው ሀብታሙን ማናደድና ወደ ጠብ መገፋፋት ቢሆንም ሀብታሙ ጌታቸው ግን ዝም ብሎ ንቋቸው መንገዱን ቀጠለ፤ እነርሱ እረፍት ሳይሰጡት ግልጽ የሆነ ስድብ ይሰድቡት ጀመር፤ አሁን በዚህ ሳይናደድ ገብቶ ተኛ፡፡
ወዲያውኑ ብዛት ያላቸው ፖሊሶች መጥተው ሀብታሙን እየደበደቡ አፍነው ወሰዱት፡፡ ለምን ብለው የጮኹ ጥቂት የዐማራ ተማሪዎች በጥይት አስፈራሯቸው፡፡ ሌሊት በመሆኑ ብዙ ልጆች መሰባሰብ አልቻሉም ነበር፡፡ ሀብታሙ ጌታቸው ትምህርቱን አቋርጦ በዓለማያ ከተማ ፖሊስ ጣቢያ ሲደበደብ ከሰነበተ በኋላ ‹‹የትምከተኝነት›› ክስ ተመሰረተበት፡፡ ተማሪ ሀብታሙ በቀጣይ ሰኞ ግንቦት 14 ቀን 2009 ዓ›ም ፍርድ ቤት ይቀርባል ተብሏል፡፡
በዓለማያ ዩንቨርሲቲ የዐማራ ተማሪዎች ላይ እየደረሰ ያለው ሰብአዊ መብት ረገጣ ከቀን ወደ ቀን እየከፋ እንደሔደ በዩንቨርሲቲው የሚማሩ ተማሪዎች በተደጋጋሚ ይገልጻሉ፡፡ የኦሮሞና የትግሬ ተማሪዎች በግቢው ውስጥ ማኅበር አላቸው፡፡ የትግሬ ተማሪዎች በዩንቨርሲቲው ተደግሶላቸው ከአንድ ሳምንት በፊት በዓል አዘጋጅተዋል፡፡
ሚያዚያ 21 ቀን 2009 ዓ.ም በዩንቨርሲቲው በነበረው የባሕል ፌስቲቫል የዐማራ ተማሪዎች ባሕላቸውን ካዘጋጁ በኋላ የትኽምከተኛ ባሕል በዩንቨርሲቲያችን አይቀርብም ተብሎ የሌሎች ብሔሮች ሲቀርብ የዐማራው ተለይቶ ቀርቷል፡፡ ለምን ብለው የጠየቁ ተማሪዎችም ታስረዋል፡፡
በዩንቨርሲቲው የዐማራ ተማሪዎችን ቸግር ሊፈታ ወይም ሊያዳምጥ የሚችል አንድም አካል አለመኖሩም ችግሩን የበለጠ አሳሳቢ ያደርገዋል ብለውናል፡፡

ከ235 ሚሊዬን ብር በላይ ያጭበረበሩ የመንግስት መስሪያ ቤቶች ሪፖርት አናደርግም አሉ

20 የሚደርሱ የመንግስት መስሪያ ቤቶች ከ235 ሚሊዬን ብር በላይ ቢያጭበረብሩም፣ ስለ ጉዳዩ ሪፖርት አናደርግም ማለታቸው ተጠቆመ፡፡ ከሃያዎቹ መስሪያ ቤቶች ውስጥ ገንዘቡን በተመለከተ እስካሁን ድረስ ሪፖርት ያደረጉት ሁለት መስሪያ ቤቶች ብቻ ሲሆኑ፣ ቀሪዎቹ ግን ገንዘቡን የት እንዳደረሱት ለመናገር ፈቃደኛ አለመሆናቸውን መረጃዎች ጠቁመዋል፡፡ ይሔ ሁሉ ገንዘብ የተሰወረው በስድስት ወር ውስጥ ብቻ ሲሆን፣ ጉዳዩን በተመለከተም የአዲስ አበባ ከተማ አስተዳደር ሪፖርት እንዲደረግለት ከሁለት ወር በፊት ትዕዛዝ ሰጥቶ ነበር፡፡

በአዲስ አበባ ከተማ የሚገኙ እና በመንስግት ስር የሚተዳደሩ መስሪያ ቤቶች ከፍተኛ ገንዘብ ማጉደላቸውን ጠቅሶ ለከተማዋ አስተዳደር ምክር ቤት ሪፖርት አቀርቦ የነበረው የአዲስ አበባ ከተማ ዋና ኦዲተር፣ በሪፖርቱ ላይ እንዳመለከተው ከሆነ፣ የገንዘብ ጉድለትን ጨምሮ፣ ያለደረሰኝ የደመወዝና የአበል ክፍያ መፈጸም፣ ከደንብና መመሪያ ውጪ የሆኑ ጨረታዎችን ማካሔድ፣ የንብረት አለማስመለስ እና የመሳሰሉ ችግሮችን ጠቅሷል፡፡ የገንዘብ ማጭበርበር የፈጸሙ መስሪያ ቤቶች በአንድ ወር ጊዜ ውስጥ ስለ ጉዳዩ ሪፖርት እንዲያደርጉ ጊዜ ተሰጥቷቸው የነበረ ሲሆን፣ አሁን ባለው መረጃ መሰረት ግን ሪፖርት ሳይቀርብ ሶስት ወራት ተቆጥረዋል፡፡
ከፍተኛ ገንዘብ በማጭበርበር የከተማዋን የመንግስት መስሪያ ቤቶች በግንባር ቀደምነት የሚመራው የአዲስ አበባ መንገዶች ባለስልጣን ሲሆን፣ 137 ሚሊዬን ብር በተለያዩ ሰበቦች ቀርጥፎ መብላቱን መረጃዎች ጠቁመዋል፡፡ ከህግ ውጪ የ13 ሚሊዬን ብር ዕቃ ግዢ በመፈጸም እና ግዥውን ተገን በማድረግ በሚሊዬን የሚቆጠር ገንዘብ በማጭበርበር ደግሞ የከተማዋ ስምንት መስሪያ ቤቶች ተጠቅሰዋል፡፡ ከስምንቱ መስሪያ ቤቶች ውስጥ የአዲስ አበባ ከተማ አካባቢ ጥበቃ ባለስልጣን እና አዲስ ዙ ፓርክ የተባሉት ከፍተኛ ገንዘብ በማጭበርበር የመንገዶች ባለስልጣን መስሪያ ቤትን በሁለተኝነት ይከተላሉ፡፡
የዳግማዊ ምኒልክ ሪፈራል ሆስፒታል፣ የራስ ደስታ ዳምጠው መታሰቢያ ሆስፒታል፣ የአቃቂ ቃሊቲ ክፍለ ከተማ መሬት ልማት ማኔጅመንት ጽህፈት ቤት፣ የቤቶች ግንባታ ፕሮጀክት እና ራሱ የአዲስ አበባ ምክር ቤት ጽህፈት ቤት ገንዘብ ያጭበረበሩ መስሪያ ቤቶች ሆነው መገኘታቸው ከዚህ ቀደም መገለጹ አይዘነጋም፡፡ በአጠቃላይ 237 ሚሊዬን ብር ካጭበረበሩት 20 የመንግስት መስሪያ ቤቶች ውስጥ፣ 18ቱ ጉዳዩን በተመለከተ ሪፖርት ለማድረግ ፈቃደኛ አልሆኑም፡፡
ምንጭ: BBN news